ഖ​ത്ത​ർ, ലോ​ക​ത്തി​ന്റെ ക​ണ്ണാ​യ 2022

ലോ​ക ഭൂ​പ​ട​ത്തി​ൽ ഖ​ത്ത​ർ അ​ട​യാ​ള​പ്പെ​ടു​ത്ത​പ്പെ​ട്ട വ​ർ​ഷ​മാ​യി​രു​ന്നു 2022. ഈ​യൊ​രു വ​ർ​ഷ​ത്തി​ലേ​ക്കാ​യി​രു​ന്നു അ​റേ​ബ്യ​ൻ പെ​നി​ൻ​സു​ല​യി​ലെ കൊ​ച്ചു​രാ​ജ്യം ക​ഴി​ഞ്ഞ ഒ​രു പ​തി​റ്റാ​ണ്ടി​ലേ​റെ​ക്കാ​ലം യാ​ത്ര ന​ട​ത്തി​യ​ത്. ലോ​ക​ക​പ്പ് ഫു​ട്ബാ​ൾ ടൂ​ർ​ണ​മെ​ന്റ് എ​ന്ന വി​ശ്വ കാ​യി​ക മാ​മാ​ങ്കം അ​ര​ങ്ങേ​റു​ന്ന 2022നെ ​ഖ​ത്ത​റും അ​റേ​ബ്യ​ൻ ലോ​ക​വും അ​ത്യാ​വേ​ശ​ത്തോ​ടെ സ്വാ​ഗ​തം ചെ​യ്ത കാ​ലം.

2022നെ ​ലോ​ക​ക​പ്പി​ന്റെ വ​ർ​ഷം എ​ന്ന നി​ല​യി​ലാ​യി​രു​ന്നു ഖ​ത്ത​ർ വ​ര​േ​വ​റ്റ​ത്. അ​റേ​ബ്യ​ൻ മേ​ഖ​ല ഉ​ൾ​പ്പെ​ടു​ന്ന മ​ധ്യ​പൂ​ർ​വേ​ഷ്യ വേ​ദി​യൊ​രു​ക്കു​ന്ന ആ​ദ്യ ലോ​ക​ക​പ്പ് എ​ന്ന വി​ശേ​ഷ​ണ​വു​മാ​യി 12 വ​ർ​ഷ​ത്തി​ലേ​റെ നീ​ണ്ടു​നി​ന്ന ത​യാ​റെ​ടു​പ്പി​ലൂ​ടെ​യാ​ണ് ഈ ​കൊ​ച്ചു രാ​ജ്യം ലോ​ക​ക​പ്പ് വ​ർ​ഷ​ത്തി​ലേ​ക്ക് ക​ട​ന്ന​ത്.

ഖ​റ​ദാ​വി​ക്ക് വി​ട

ആ​ഗോ​ള ഇ​സ്‍ലാ​മി​ക പ​ണ്ഡി​ത​ന്‍ ശൈ​ഖ് യൂ​സു​ഫു​ല്‍ ഖ​റ​ദാ​വി​യു​ടെ വി​യോ​ഗം ഖ​ത്ത​റി​നെ​യും മു​സ്‍ലിം സ​മൂ​ഹ​ത്തെ​യും ക​ണ്ണീ​രി​ലാ​ഴ്ത്തി. 120ലേ​റെ പു​സ്ത​ക​ങ്ങ​ളെ​​ഴു​തു​ക​യും നി​ര​വ​ധി കാ​ലി​ക​പ്ര​സ​ക്ത​മാ​യ ഫ​ത്‍വ​ക​ൾ പു​റ​പ്പെ​ടു​വി​ക്കു​ക​യും ചെ​യ്ത അ​ദ്ദേ​ഹം സെ​പ്റ്റം​ബ​ര്‍ 26ന് 96ാം ​വ​യ​സ്സി​ല്‍ ദോ​ഹ​യി​ല്‍വെ​ച്ചാ​ണ് മ​രി​ച്ച​ത്.

ഫി​ഫ കോ​ൺ​ഗ്ര​സും ടീം ​ന​റു​ക്കെ​ടു​പ്പും

ലോ​ക​ക​പ്പി​ന് വി​സി​ൽ മു​ഴ​ങ്ങും മു​മ്പേ കാ​ൽ​പ​ന്ത് ലോ​കം ഖ​ത്ത​റി​ലേ​ക്ക് ശ്ര​ദ്ധ​ന​ൽ​കി കാ​ത്തി​രു​ന്ന ദി​ന​ങ്ങ​ളാ​യി​രു​ന്നു മാ​ർ​ച്ച് 31ഉം ​ഏ​പ്രി​ൽ ഒ​ന്നും. 72ാമ​ത് ഫി​ഫ കോ​ണ്‍ഗ്ര​സി​നും ലോ​ക​ക​പ്പ് ടീം ​ന​റു​ക്കെ​ടു​പ്പി​നും ദോ​ഹ വേ​ദി​യാ​യി. ഡി.​ഇ.​സി.​സി​യി​ൽ ന​ട​ന്ന ഫി​ഫ കോ​ൺ​ഗ്ര​സി​ൽ ഖ​ത്ത​റി​ലെ ലോ​ക​ക​പ്പ് ത​യാ​റെ​ടു​പ്പി​നെ ആ​ഗോ​ള ഫു​ട്ബാ​ൾ ഫെ​ഡ​റേ​ഷ​ൻ പ്ര​ശം​സി​ച്ചു. മു​ഴു​വ​ൻ രാ​ജ്യ​ങ്ങ​ളു​ടെ​യും പ്ര​തി​നി​ധി​ക​ളും ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നാ​യി മാ​ധ്യ​മ പ്ര​തി​നി​ധി​ക​ളും പ​ങ്കെ​ടു​ത്തി​രു​ന്നു.

ഏ​പ്രി​ൽ ഒ​ന്നി​നാ​യി​രു​ന്നു ടീം ​ന​റു​ക്കെ​ടു​പ്പ്. േപ്ല ​ഓ​ഫ് വ​ഴി യോ​ഗ്യ​ത നേ​ടാ​ൻ ബാ​ക്കി​യു​ള്ള ര​ണ്ട് ടീ​മു​ക​ളെ കൂ​ടി പ​രി​ഗ​ണി​ച്ചാ​യി​രു​ന്നു ന​റു​ക്കെ​ടു​പ്പ് ന​ട​ന്ന​ത്. ക​ഫു, ലോ​ത​ർ മ​തേ​വൂ​സ്, ക​കാ, ടിം ​കാ​ഹി​ൽ, മാ​ർ​കോ മ​റ്റ​രാ​സി, സാ​മു​വ​ൽ എ​റ്റു, ആ​ന്ദ്രി പി​ർ​ലോ ഉ​ൾ​പ്പെ​ടെ ഇ​തി​ഹാ​സ താ​ര​ങ്ങ​ളെ​ല്ലാം ഒ​ന്നി​ച്ച വേ​ദി​യെ സാ​ക്ഷി​യാ​ക്കി ലോ​ക​ക​പ്പി​ന്റെ ന​റു​ക്കെ​ടു​പ്പ് ന​ട​ന്നു. ഈ ​വേ​ദി​യി​ൽ ത​ന്നെ ലോ​ക​ക​പ്പ് ഫു​ട്ബാ​ളി​ന്റെ ഭാ​ഗ്യ മു​ദ്ര​യാ​യ ല​ഈ​ബും, ഔ​ദ്യോ​ഗി​ക ഗാ​ന​മാ​യ ‘ഹ​യ്യാ ഹ​യ്യാ...’​യും പു​റ​ത്തി​റ​ക്കി.

ലോ​ക​ ക​പ്പി​ലേ​ക്കു​ള്ള യാ​ത്ര

2021 ന​വം​ബ​ർ 21ന് ​ദോ​ഹ കോ​ർ​ണി​ഷി​ൽ സ്ഥാ​പി​ച്ച കൗ​ണ്ട്ഡൗ​ൺ േക്ലാ​ക്കി​ലൂ​ടെ​യാ​യി​രു​ന്നു ഖ​ത്ത​ർ വി​ശ്വ​മേ​ള​യി​ലേ​ക്ക് നാ​ളു​ക​ൾ എ​ണ്ണി​ത്തു​ട​ങ്ങി​യ​ത്. സ്റ്റേ​ഡി​യ​ങ്ങ​ളി​ൽ ഏ​റെ​യും സ​ജ്ജ​മാ​ക്കി ലോ​ക​ക​പ്പി​ന്റെ ട്ര​യ​ൽ റ​ൺ എ​ന്ന നി​ല​യി​ൽ സം​ഘ​ടി​പ്പി​ച്ച ഫി​ഫ അ​റ​ബ് ക​പ്പി​ന് പ​ന്തു​രു​ളു​ന്ന​തി​ന് ഏ​താ​നും ദി​വ​സ​ങ്ങ​ൾ മു​മ്പ് മാ​ത്ര​മാ​യി​രു​ന്നു ഖ​ത്ത​റി​ൽ ലോ​ക​ക​പ്പ് ഫു​ട്ബാ​ളി​ന്റെ ഒ​രു വ​ർ​ഷ കൗ​ണ്ട് ഡൗ​ണി​ന് ആ​ഘോ​ഷ​പൂ​ർ​വ​മാ​യ തു​ട​ക്കം കു​റി​ച്ച​ത്. ന​വം​ബ​ർ 30ന് ​അ​ൽ​ബെ​യ്ത് സ്റ്റേ​ഡി​യ​ത്തി​ലൂ​ടെ ഫി​ഫ അ​റ​ബ് ക​പ്പ് പോ​രാ​ട്ട​ത്തി​നും കി​ക്കോ​ഫ് കു​റി​ച്ചു. അ​റ​ബ് രാ​ജ്യ​ങ്ങ​ളു​ടെ ഫു​ട്ബാ​ൾ കാ​ർ​ണി​വ​ൽ ആ​ദ്യ​മാ​യാ​ണ് ഫി​ഫ ഏ​റ്റെ​ടു​ത്ത് സ്വ​ന്തം ടൂ​ർ​ണ​മെ​ന്റാ​യി അ​വ​ത​രി​പ്പി​ച്ച​ത്. ലോ​ക​ക​പ്പി​നാ​യി സ​ജ്ജ​മാ​ക്കി​യ ആ​റ് വേ​ദി​ക​ൾ അ​റ​ബ് ക​പ്പി​ന്റെ ക​ളി​യി​ട​മാ​ക്കി ഖ​ത്ത​ർ ലോ​ക​ത്തി​ന് മു​ന്നി​ൽ ത​ങ്ങ​ൾ ത​യാ​റെ​ന്ന് വി​ളം​ബ​രം ചെ​യ്തു. ഡി​സം​ബ​ർ 18ന്റെ ​ഫൈ​ന​ലോ​ടെ​യാ​ണ് അ​റ​ബ് ക​പ്പി​ന് കൊ​ടി​യി​റ​ങ്ങി​യ​ത്. പു​തു​വ​ർ​ഷം പി​റ​ക്കും മു​മ്പേ ഖ​ത്ത​റി​ന് ലോ​ക​ക​പ്പി​ലേ​ക്കു​ള്ള ഏ​റ്റ​വും മി​ക​ച്ച ട്ര​യ​ൽ റ​ണ്ണാ​യി​രു​ന്നു അ​റ​ബ് ക​പ്പ്. പ​ണി പൂ​ർ​ത്തി​യാ​വാ​ത്ത ലു​സൈ​ൽ സ്റ്റേ​ഡി​യം ഒ​ഴി​കെ മ​റ്റ് ഏ​ഴ് വേ​ദി​ക​ളും ലോ​ക​ക​പ്പി​നാ​യി പൂ​ർ​ണ​സ​ജ്ജ​മാ​യി. ലോ​ക​ക​പ്പി​ന് പൂ​ർ​ണാ​ർ​ഥ​ത്തി​ൽ ഒ​രു​ങ്ങി​യ ജ​നു​വ​രി​യി​ലേ​ക്കാ​യി​രു​ന്നു ഖ​ത്ത​ർ പു​തു​വ​ർ​ഷം ആ​ഘോ​ഷി​ച്ച​ത്. ജ​നു​വ​രി മൂ​ന്നാം വാ​ര​ത്തോ​ടെ ലോ​ക​ക​പ്പി​ന്റെ ടി​ക്ക​റ്റ് വി​ൽ​പ​ന​യും പ്ര​ഖ്യാ​പി​ച്ചു. ജ​നു​വ​രി 19 മു​ത​ൽ മാ​ർ​ച്ച് 29 വ​രെ​യാ​യി​രു​ന്നു റാ​ൻ​ഡം ന​റു​ക്കെ​ടു​പ്പ് വ​ഴി​യു​ള്ള ടി​ക്ക​റ്റ് ബു​ക്കി​ങ് ആ​രം​ഭി​ച്ച​ത്. 40 റി​യാ​ലി​ന് ടി​ക്ക​റ്റ് ല​ഭ്യ​മാ​ക്കി 36 വ​ർ​ഷ​ത്തി​നു​ള്ളി​ലെ ഏ​റ്റ​വും കു​റ​ഞ്ഞ ടി​ക്ക​റ്റ് നി​ര​ക്ക് ഖ​ത്ത​ർ പ്ര​ഖ്യാ​പി​ച്ചു. ന​റു​ക്കെ​ടു​പ്പി​ലൂ​ടെ ബു​ക്ക് ചെ​യ്ത ദ​ശ​ല​ക്ഷം ആ​രാ​ധ​ക​രി​ൽ എ​ട്ടു ല​ക്ഷം ടി​ക്ക​റ്റു​ക​ളാ​ണ് ആ​ദ്യ ഘ​ട്ട​ത്തി​ൽ നീ​ക്കി​വെ​ച്ച​ത്. അ​ന്തി​മ ടീ​മു​ക​ളു​ടെ ചി​ത്രം തെ​ളി​യും മു​മ്പ് ആ​രം​ഭി​ച്ച ടി​ക്ക​റ്റ് വി​ൽ​പ​ന​ക്ക് ആ​വേ​ശ​ക​ര​മാ​യ പ്ര​തി​ക​ര​ണ​മാ​ണ് ആ​രാ​ധ​ക​രി​ൽ​നി​ന്നു​ണ്ടാ​യ​ത്.

കൗ​ണ്ട്ഡൗ​ൺ നാ​ളു​ക​ൾ

ഒ​രു വ​ർ​ഷ​ത്തെ കൗ​ണ്ട് ഡൗ​ൺ 200ലും 150​ലും 100ലും ​എ​ത്തി​യ​പ്പോ​ൾ ആ​തി​ഥേ​യ രാ​ജ്യം വി​വി​ധ ആ​ഘോ​ഷ​ങ്ങ​ളോ​ടെ​യാ​ണ് വ​ര​വേ​റ്റ​ത്. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ കൗ​ണ്ട്ഡൗ​ൺ പ​രി​പാ​ടി​ക​ൾ ന​ട​ന്നു. അ​ർ​ജ​ന്റീ​ന, ബ്ര​സീ​ൽ, മെ​ക്സി​കോ തു​ട​ങ്ങി​യ ഫു​ട്ബാ​ൾ നാ​ടു​ക​ളി​ൽ വി​വി​ധ പ്ര​ചാ​ര​ണ പ​രി​പാ​ടി​ക​ൾ കൗ​ണ്ട്ഡൗ​ണി​ന്റെ ഭാ​ഗ​മാ​യി സു​പ്രീം ക​മ്മി​റ്റി ഫോ​ർ ഡെ​ലി​വ​റി ആ​ൻ​ഡ് ലെ​ഗ​സി സം​ഘ​ടി​പ്പി​ച്ചി​രു​ന്നു.

മി​ഴി തു​റ​ന്ന് ലു​സൈ​ൽ

ലോ​ക​ക​പ്പി​നു​ള്ള ഏ​ഴ് വേ​ദി​ക​ളും 2021 ഡി​സം​ബ​റോ​ടെ ഉ​ദ്ഘാ​ട​നം ചെ​യ്തെ​ങ്കി​ലും ഫൈ​ന​ൽ വേ​ദി​യാ​യ ലു​സൈ​ൽ ഈ ​വ​ർ​ഷ​മാ​ണ് സ​ജ്ജ​മാ​യ​ത്. മി​നു​ക്ക് പ​ണി​ക​ളെ​ല്ലാം പൂ​ർ​ത്തി​യാ​ക്കി​യ ക​ളി​മു​റ്റം ലോ​ക​ക​പ്പി​നു​ള്ള ഏ​റ്റ​വും വ​ലി​യ വേ​ദി​യാ​യി​രു​ന്നു. ഒ​പ്പം മ​ധ്യ​പൂ​ർ​വേ​ഷ്യ​യി​ലെ ഏ​റ്റ​വും വ​ലി​യ സ്റ്റേ​ഡി​യം എ​ന്ന ബ​ഹു​മ​തി​യും സ്വ​ന്തം. സെ​പ്റ്റം​ബ​ർ ഒ​മ്പ​തി​ന് ലു​സൈ​ൽ സൂ​പ്പ​ർ​ക​പ്പ് ഫു​ട്ബാ​ൾ മ​ത്സ​ര​ത്തോ​ടെ​യാ​ണ് ലു​സൈ​ൽ സ്റ്റേ​ഡി​യം സ​ജ്ജ​മാ​യ​ത്. യ​ഥാ​ക്ര​മം സൗ​ദി, ഈ​ജി​പ്ത് ലീ​ഗ് ചാ​മ്പ്യ​ന്മാ​രാ​യ അ​ൽ ഹി​ലാ​ലും സ​മാ​ലെ​കും ഏ​റ്റു​മു​ട്ടി​യ സൂ​പ്പ​ർ ക​പ്പി​ൽ ഹി​ലാ​ൽ കി​രീ​ട​മ​ണി​ഞ്ഞു. 77,575 പേ​ർ മ​ത്സ​ര​ത്തി​ന് സാ​ക്ഷി​യാ​വാ​ൻ ഗാ​ല​റി​യി​ലെ​ത്തി. ഫി​ഫ വ​ള​ന്റി​യ​ർ ഓ​റി​യ​ന്റേ​ഷ​ൻ പ​രി​പാ​ടി​ക്കും ലോ​ക​ക​പ്പി​ന് മു​മ്പാ​യി ബോ​ളി​വു​ഡ് മ്യൂ​സി​ക് ഫെ​സ്റ്റി​നും വേ​ദി​യാ​യാ​ണ് സ്റ്റേ​ഡി​യം സ​ർ​വ​സ​ജ്ജ​മാ​യ​ത്.

പ്ലേ ഓഫിനും വേദിയായി

ലോ​ക​ക​പ്പി​ലെ ശേ​ഷി​ച്ച ര​ണ്ടു സ്ഥാ​ന​ങ്ങ​ളി​ലേ​ക്ക് നാ​ല് ടീ​മു​ക​ൾ മാ​റ്റു​ര​ച്ച ഇ​ന്റ​ർ​കോ​ണ്ടി​നെ​ന്റ​ൽ േപ്ല ​ഓ​ഫ് മ​ത്സ​ര​ത്തി​ന് ജൂ​ണി​ലാ​യി​രു​ന്നു ഖ​ത്ത​ർ വേ​ദി​യാ​യ​ത്. അ​ഹ​മ്മ​ദ് ബി​ൻ അ​ലി സ്റ്റേ​ഡി​യ​ത്തി​ൽ ന​ട​ന്ന മ​ത്സ​ര​ത്തി​ൽ ആ​സ്ട്രേ​ലി​യ പെ​റു​വി​നെ​യും, കോ​സ്റ്റ​റീ​ക ന്യൂ​സി​ല​ൻ​ഡി​നെ​യും തോ​ൽ​പി​ച്ച് ലോ​ക​ക​പ്പി​ന് യോ​ഗ്യ​ത നേ​ടി​യ അ​വ​സാ​ന ര​ണ്ടു ടീ​മു​ക​ളാ​യി മാ​റി.

ഇ​ഹ്തി​റാ​സും ക്വാ​റ​ന്റീ​നും മാ​റി

ക​ഴി​ഞ്ഞ ര​ണ്ടു വ​ർ​ഷ​മാ​യി ജീ​വി​ത​ത്തി​ന്റെ ഭാ​ഗ​മാ​യി മാ​റി​യ കോ​വി​ഡ് വാ​ക്സി​നേ​ഷ​ൻ സ്റ്റാ​റ്റ​സ് ആ​പ്ലി​ക്കേ​ഷ​ൻ ‘ഇ​ഹ്തി​റാ​സ്’ ന​വം​ബ​ർ ഒ​ന്ന് മു​ത​ലാ​ണ് ഒ​ഴി​വാ​ക്കി​യ​ത്. കോ​വി​ഡി​ന്റെ ഭാ​ഗ​മാ​യി വി​ദേ​ശ സ​ഞ്ചാ​രി​ക​ൾ​ക്ക് ഏ​ർ​പ്പെ​ടു​ത്തി​യ ക്വാ​റ​ൻ​റീ​നും ഈ ​വ​ർ​ഷം പ​കു​തി​യോ​ടെ അ​വ​സാ​നി​പ്പി​ച്ചു. കോ​വി​ഡ് വാ​ക്സി​നേ​ഷ​ൻ ബൂ​സ്റ്റ​ർ ഡോ​സ് ഉ​ൾ​പ്പെ​ടെ പ്ര​തി​രോ​ധ പ​ദ്ധ​തി​ക​ളി​ൽ സ​മ്പൂ​ർ​ണ വി​ജ​യ​മാ​യി മാ​റി.

ന​യ​ത​ന്ത്ര വി​ജ​യ​ത്തി​ന്റെ തു​ട​ർ​ച്ച

• 2021ൽ ​അ​ഫ്ഗാ​നി​ലെ സ​മാ​ധാ​ന​പാ​ല​ന​ത്തി​നാ​യു​ള്ള ഇ​ട​പെ​ട​ലു​ക​ളും വി​വി​ധ രാ​ജ്യ​ക്കാ​രെ സു​ര​ക്ഷി​ത​മാ​യി ഒ​ഴി​പ്പി​ച്ചു​മാ​യി​രു​ന്നു ഖ​ത്ത​ർ കൈ​യ​ടി നേ​ടി​യ​തെ​ങ്കി​ൽ ഈ ​വ​ർ​ഷ​ത്തി​ലു​മു​ണ്ടാ​യി​രു​ന്നു അ​ന്താ​രാ​ഷ്ട്ര ത​ല​ത്തി​ൽ പ്ര​ശം​സ​യ​ർ​ഹി​ക്കു​ന്ന ന​ട​പ​ടി​ക​ൾ. അ​വ​യി​ൽ ഏ​റെ സു​പ്ര​ധാ​ന​മാ​യി​രു​ന്നു ചാ​ഢി​ലെ സം​ഘ​ർ​ഷ​ങ്ങ​ൾ​ക്ക് അ​യ​വു​വ​രു​ത്തി സൈ​നി​ക സ​ർ​ക്കാ​റും വി​മ​ത ക​ക്ഷി​ക​ളും ത​മ്മി​ൽ ന​ട​ന്ന സ​മാ​ധാ​ന ക​രാ​ർ. ദോ​ഹ വേ​ദി​യാ​യ ഉ​ച്ച​കോ​ടി​യി​ൽ ചാ​ഢ് സ​മാ​ധാ​ന ക​രാ​റി​ൽ വി​വി​ധ വി​ഭാ​ഗ​ങ്ങ​ൾ ഒ​പ്പു​വെ​ച്ചു.
• യു​ക്രെ​യ്നെ​തി​രാ​യ റ​ഷ്യ​ൻ അ​ധി​നി​വേ​ശ​ത്തി​ൽ ശ​ക്ത​മാ​യ പ്ര​തി​ക​ര​ണ​വു​മാ​യി ഖ​ത്ത​ർ രം​ഗ​ത്തെ​ത്തി. ഒ​രു രാ​ജ്യ​ത്തി​ന്റെ​യും പ​ര​മാ​ധി​കാ​ര​ത്തി​ൽ മ​റ്റൊ​രു രാ​ജ്യം ഇ​ട​പെ​ടു​ന്ന​ത് അ​നു​വ​ദി​ക്കാ​നാ​വി​ല്ലെ​ന്നാ​യി​രു​ന്നു ഖ​ത്ത​റി​ന്റെ പ്ര​ഖ്യാ​പ​നം.
• അ​ന്താ​രാ​ഷ​ട്ര വി​ഷ​യ​ങ്ങ​ൾ ച​ർ​ച്ച ചെ​യ്ത ദോ​ഹ ഫോ​റ​ത്തി​ന് മാ​ർ​ച്ച് മാ​സ​ത്തി​ൽ ഖ​ത്ത​ർ വേ​ദി​യാ​യി. വി​വി​ധ രാ​ഷ്ട്ര നേ​താ​ക്ക​ളും ന​യ​ത​ന്ത്ര വി​ദ​ഗ്ധ​രും സാ​മ്പ​ത്തി​ക വി​ദ​ഗ്ധ​രു​മെ​ല്ലാം ച​ർ​ച്ച​യി​ൽ പ​ങ്കെ​ടു​ത്തു.
• ഖ​ത്ത​റി​ന് നാ​റ്റോ ഇ​ത​ര സ​ഖ്യ​പ​ദ​വി അ​നു​വ​ദി​ച്ചു​കൊ​ണ്ടു​ള്ള അ​മേ​രി​ക്ക​യു​ടെ നീ​ക്കം അ​ന്താ​രാ​ഷ്ട്ര ത​ല​ത്തി​ൽ ശ്ര​ദ്ധി​ക്ക​പ്പെ​ട്ടു. വി​വി​ധ അ​ന്താ​രാ​ഷ്ട്ര വി​ഷ​യ​ങ്ങ​ളി​ൽ ഖ​ത്ത​റി​ൻ​ന്റെ ഇ​ട​പെ​ട​ലി​നാ​യി ലോ​കം കാ​തോ​ർ​ത്ത വ​ർ​ഷം കൂ​ടി​യാ​ണ് ക​ട​ന്നു​പോ​വു​ന്ന​ത്.
• ഗ​ൾ​ഫ് ഉ​പ​രോ​ധ​ത്തി​നു പി​ന്നാ​ലെ ഈ​ജി​പ്തു​മാ​യി മു​റി​ഞ്ഞു​പോ​യ ന​യ​ത​ന്ത്ര ബ​ന്ധം ഖ​ത്ത​ർ സ​ജീ​വ​മാ​ക്കി. ഖ​ത്ത​ർ അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ​ഥാ​നി ഈ​ജി​പ്ത് സ​ന്ദ​ർ​ശി​ച്ചു. അ​ധി​കം വൈ​കാ​തെ ഈ​ജി​പ്ത് പ്ര​സി​ഡ​ൻ​റ് ഖ​ത്ത​റി​ലു​മെ​ത്തി. യു.​എ.​ഇ പ്ര​സി​ഡ​ൻ​റ് ശൈ​ഖ് മു​ഹ​മ്മ​ദ് ബി​ന്‍ സാ​യി​ദ് അ​ല്‍ ന​ഹ് യാ​ൻ ഖ​ത്ത​റി​ലെ​ത്തു​ക​യും അ​മീ​ർ യു.​എ.​ഇ സ​ന്ദ​ർ​ശി​ക്കു​ക​യും ചെ​യ്തു.

അ​ർ​ജ​ൻ​റീ​ന​യു​ടെ കി​രീ​ട​വി​ജ​യം

ന​വം​ബ​ർ 20ന് ​​ലോ​ക​ക​പ്പ് പോ​രാ​ട്ട​ങ്ങ​ൾ​ക്ക് കി​ക്കോ​ഫ് കു​റി​ച്ചു. പി​ന്നെ​യു​ള്ള 29 ദി​ന​ങ്ങ​ൾ ഉ​ജ്ജ്വ​ല പോ​രാ​ട്ട​ത്തി​ന്റെ നാ​ളു​ക​ൾ. ക​രു​ത്ത​രാ​യ അ​ർ​ജ​ന്റീ​ന​യെ വീ​ഴ്ത്തി സൗ​ദി അ​റേ​ബ്യ തു​ട​ക്ക​ത്തി​ൽ ന​ട​ത്തി​യ വ​മ്പ​ൻ അ​ട്ടി​മ​റി​യോ​ടെ​യാ​യി​രു​ന്നു ക​ളി​ക്ക​ളം സ​ജീ​വ​മാ​യ​ത്. ജ​പ്പാ​ൻ, ദ​ക്ഷി​ണ കൊ​റി​യ എ​ന്നീ ഏ​ഷ്യ​ൻ ടീ​മു​ക​ളും, ആ​ഫ്രി​ക്ക​ൻ ക​രു​ത്തു​മാ​യി സെ​മി​ഫൈ​ന​ൽ വ​രെ കു​തി​ച്ച മൊ​റോ​ക്കോ​യും ഈ ​ലോ​ക​ക​പ്പി​ന്റെ ശ്ര​ദ്ധേ​യ സം​ഘ​ങ്ങ​ളാ​യി. ജ​ർ​മ​നി​യും ബെ​ൽ​ജി​യ​വും ഗ്രൂ​പ് റൗ​ണ്ടി​ൽ മ​ട​ങ്ങി​യ​പ്പോ​ൾ സ്പെ​യി​നും നി​രാ​ശ​പ്പെ​ടു​ത്തി. നി​ല​വി​ലെ ലോ​ക ചാ​മ്പ്യ​ന്മാ​രാ​യ ഫ്രാ​ൻ​സി​നെ കീ​ഴ​ട​ക്കി അ​ർ​ജ​ന്റീ​ന​യു​ടെ ച​രി​ത്ര വി​ജ​യ​ത്തി​നും ഖ​ത്ത​ർ ലോ​ക​ക​പ്പ് സാ​ക്ഷി​യാ​യി. 36 വ​ർ​ഷ​ത്തി​നു ശേ​ഷം ല​യ​ണ​ൽ മെ​സ്സി​യി​ലൂ​ടെ അ​ർ​ജ​ന്റീ​ന​യു​ടെ കി​രീ​ട നേ​ട്ടം.

കാ​യി​ക ച​രി​ത്ര​വു​മാ​യി ഒ​ളി​മ്പി​ക് മ്യൂ​സി​യം

ച​രി​ത്ര​പാ​ര​മ്പ​ര്യ​ങ്ങ​ളു​ടെ സൂ​ക്ഷി​പ്പി​നും ത​ല​മു​റ​ക​ളി​ലേ​ക്ക് പ​ക​രു​ന്ന​തി​നും നി​ർ​ണാ​യ​ക പ​ങ്കു​വ​ഹി​ക്കു​ന്ന ഖ​ത്ത​റി​ന്റെ നീ​ക്ക​ങ്ങ​ളി​ൽ ശ്ര​ദ്ധേ​യ​മാ​യി​രു​ന്നു മാ​ർ​ച്ച് അ​വ​സാ​ന വാ​ര​ത്തി​ൽ ഉ​ദ്ഘാ​ട​നം ചെ​യ്ത ത്രീ ​ടു വ​ൺ ഒ​ളി​മ്പി​ക് ആ​ൻ​ഡ് സ്പോ​ർ​ട്സ് മ്യൂ​സി​യം. പു​രാ​ത​ന കാ​യി​ക ച​രി​ത്രം മു​ത​ൽ ആ​ധു​നി​ക ഒ​ളി​മ്പി​ക്സും ഫു​ട്ബാ​ളും ഉ​ൾ​പ്പെ​ടെ എ​ല്ലാ കാ​യി​ക മു​ഹൂ​ർ​ത്ത​ങ്ങ​ളും ഒ​രു കു​ട​ക്കീ​ഴി​ൽ ഒ​രു​ക്കി​യ ഒ​ളി​മ്പി​ക് മ്യൂ​സി​യം കാ​യി​ക​മേ​ഖ​ല​യി​ൽ ഖ​ത്ത​റി​ന്റെ വ​ലി​യ സം​ഭാ​വ​ന​യാ​ണ്. ക​താ​റ ക​ള്‍ച​റ​ല്‍ വി​ല്ലേ​ജി​ല്‍ പാ​യ്ക്ക​പ്പ​ല്‍ മ്യൂ​സി​യം, പൊ​തു​ജ​ന​ങ്ങ​ള്‍ക്കു​ള്ള സാം​സ്‌​കാ​രി​ക ഇ​ട​മാ​യി കോ​ര്‍ണി​ഷി​ല്‍ ഫ്ലാ​ഗ് പ്ലാ​സ എ​ന്നി​വ​യും തു​റ​ന്നു.

സ​ഞ്ചാ​രി​ക​ളു​ടെ കേ​ന്ദ്രം

ലോ​ക​ക​പ്പ് ഖ​ത്ത​റി​ന്റെ വി​നോ​ദ​സ​ഞ്ചാ​ര മേ​ഖ​ല​യി​ലും ഉ​ണ​ർ​വാ​യി മാ​റു​ക​യാ​ണ്. ലു​സൈ​ൽ വി​ന്റ​ർ വ​ണ്ട​ർ​ലാ​ൻ​ഡ്, ലു​സൈ​ൽ ബൊ​ളെ​വാ​ഡ്, ഖി​തൈ​ഫാ​ൻ ഐ​ല​ൻ​ഡ് നോ​ർ​ത്, വെ​സ്റ്റ്ബേ നോ​ർ​ത്ത് ബീ​ച്ച് പ​ദ്ധ​തി, ഫു​വൈ​രി​ത് കൈ​റ്റ് ബീ​ച്ച് റി​സോ​ർ​ട്ട്, ദോ​ഹ സാ​ൻ​ഡ്സ്, മോ​ടി​കൂ​ട്ടി​യ ദോ​ഹ കോ​ർ​ണി​ഷ്, പു​ന​ർ​നി​ർ​മാ​ണം ന​ട​ത്തി​യ വി​വി​ധ ബീ​ച്ചു​ക​ൾ ഉ​ൾ​പ്പെ​ടെ പു​തു​മ​യാ​ർ​ന്ന വി​നോ​ദ സ​ഞ്ചാ​ര പ​ദ്ധ​തി​ക​ളാ​ണ് ത​യാ​റാ​ക്കി​യ​ത്. ലോ​ക​ക​പ്പി​നെ​ത്തി​യ 14 ല​ക്ഷ​ത്തോ​ളം സ​ഞ്ചാ​രി​ക​ളി​ലൂ​ടെ ഖ​ത്ത​റി​ന്റെ വി​നോ​ദ​സ​ഞ്ചാ​ര സാ​ധ്യ​ത ഇ​നി ലോ​ക​മ​റി​യും.