ദോഹ: ഈ വർഷം മെഡിക്കൽ പ്രവേശന പരീക്ഷയായ 'നീറ്റ്' എഴുതുന്ന പ്രവാസി വിദ്യാർഥികൾക്ക് എംബസിയിൽ നിന്നും എൻ.ആർ.ഐ സർട്ടിഫിക്കറ്റ് ലഭ്യമാക്കുമെന്ന് ഖത്തറിലെ ഇന്ത്യൻ എംബസി അറിയിച്ചു.
പ്രവൃത്തി ദിനങ്ങളിൽ ഓൺലൈൻ അപോയ്മെന്റ് ഇല്ലാതെ തന്നെ 12.30 നും ഒരു മണിക്കുമിടയിലായി എംബസിയിൽ നേരിട്ടെത്തി അപേക്ഷ സമർപ്പിച്ച് സർട്ടിഫിക്കറ്റ് സ്വന്തമാക്കാവുന്നതാണ്.
ഇത്തവണ ഖത്തറിൽ തന്നെ നീറ്റ് പരീക്ഷ എഴുതാൻ കഴിയുമെന്നതാണ് വിദ്യാർഥികൾക്ക് ആശ്വാസമാവുന്നത്. വർഷങ്ങളുടെ കാത്തിരിപ്പിനുശേഷമാണ് ദോഹയിൽ ആദ്യമായി നീറ്റ് അപേക്ഷ കേന്ദ്രം അനുവദിക്കുന്നത്. ഖത്തർ ഉൾപ്പെടെ ആറ് ഗൾഫ് രാജ്യങ്ങളിലായി എട്ട് പരീക്ഷ കേന്ദ്രങ്ങളാണ് അനുവദിച്ചത്. പരീക്ഷക്കുള്ള അപേക്ഷ നടപടികൾ ബുധനാഴ്ച അർധരാത്രിയോടെ ഓൺലൈനിൽ ആരംഭിച്ചു.
1 എൻ.ആർ.ഐ സർട്ടിഫിക്കറ്റ് അപേക്ഷകെൻറ (രക്ഷിതാവിെൻറ) ഒറിജിനൽ പാസ്പോർട്ട്, ഖത്തർ ഐ.ഡിയും ഒപ്പം കോപ്പിയും.
2 സ്പോൺസേർഡ് വിദ്യാർഥിയുടെ (പരീക്ഷയെഴുതുന്ന ആൾ) പാസ്പോർട്ട്, ഖത്തർ ഐ.ഡി
3 അപേക്ഷകെൻറ രണ്ട് ഫോട്ടോ
4 എംബസി വെബ്സൈറ്റിൽ നിന്നും ഡൗൺലോഡ് ചെയ്ത്, പൂരിപ്പിച്ച അപേക്ഷ ഫോം.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.