എം.ഇ.എസ് ഇന്ത്യൻ സ്കൂൾ അഡ്മിൻ വിഭാഗം സംഘടിപ്പിച്ച ഫൺ ഡേ പരിപാടിയിൽനിന്ന്
ദോഹ: ജീവനക്കാർക്കിടയിൽ സൗഹൃദം ഊട്ടിയുറപ്പിച്ച് എം.ഇ.എസ് ഇന്ത്യൻ സ്കൂൾ അഡ്മിൻ വിഭാഗം ഫൺ ഡേ സംഘടിപ്പിച്ചു. അൽ കാബാൻ പാർക്ക്, അൽ ഗരിയ ബീച്ച് എന്നിവിടങ്ങളിലായി നടന്ന പരിപാടിയിൽ സ്കൂളിലെ അഡ്മിനിസ്ട്രേറ്റിവ് ജീവനക്കാർ പങ്കെടുത്തു. ജോലിത്തിരക്കുകളിൽനിന്ന് മാറി മാനസികോല്ലാസവും ടീം വർക്കും ലക്ഷ്യമിട്ടാണ് വിനോദ പരിപാടികൾ ആസൂത്രണം ചെയ്തത്.
ജീവനക്കാരുടെ ഊർജസ്വലമായ പങ്കാളിത്തംകൊണ്ട് ശ്രദ്ധേയമായ പരിപാടിയിൽ ഗ്രൂപ്പിങ് ദി നമ്പേഴ്സ്, മ്യൂസിക്കൽ ചെയർ, ബലൂൺ റേസ്, ബ്ലോ ആൻഡ് ബേസ്റ്റ്, ബോംബിങ് ദ സിറ്റി, ഡംബ് ചരാഡ്സ് തുടങ്ങിയ വൈവിധ്യമാർന്ന മത്സരങ്ങൾ നടന്നു. കൂടാതെ, 'ലൈവ് കിച്ചൺ' പരിപാടിയും ജീവനക്കാർക്കായി ഒരുക്കിയിരുന്നു. ആവേശകരമായ മത്സരങ്ങളിൽ വിജയികളായവർക്ക് പ്രത്യേക സമ്മാനങ്ങൾ വിതരണം ചെയ്തു. ജീവനക്കാർ തമ്മിലുള്ള സ്നേഹബന്ധം ദൃഢമാക്കുന്നതിനായി നടന്ന 'ഗിഫ്റ്റ് എക്സ്ചേഞ്ച്' ഏറെ ശ്രദ്ധേയമായി. സ്കൂൾ അഡ്മിൻ ടീം ഏകോപനം നിർവഹിച്ച പരിപാടി, ദൈനംദിന ഔദ്യോഗിക തിരക്കുകളിൽനിന്ന് ജീവനക്കാർക്ക് വലിയൊരു ആശ്വാസവും പുത്തനുണർവും നൽകുന്നതായി മാറി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.