പ്രാദേശിക വിപണികളിൽ ആക്രി സാധനങ്ങൾക്ക്​ ന്യായവില വരുന്നു

ദോഹ: രാജ്യത്തെ പ്രാദേശിക വിപണികളിൽ ആക്രിസാധനങ്ങൾക്ക്​ (സ്​ക്രാപ്) ന്യായവില നിശ്ചയിക്കുന്നു. ഇതുമായി ബന്ധപ്പെട്ട പദ്ധതിയുമായി ഖത്തർ ചേംബർ മുന്നോട്ട്​. രാജ്യത്തെ സ്​ക്രാപ് കമ്പനികൾ നേരിടുന്ന വെല്ലുവിളികൾ പരിശോധിക്കുന്നതിന് ഖത്തർ ചേംബറിന് കീഴിലുള്ള പരിസ്​ഥിതി സമിതി വിളിച്ചു ചേർത്ത യോഗത്തിലാണ് തീരുമാനം.

രാജ്യത്തെ സ്​ക്രാപ് കമ്പനികൾ നേരിടുന്ന വിവിധ ​​പ്രശ്​നങ്ങൾ യോഗത്തിൽ ചർച്ച ചെയ്തു. സ്​ക്രാപ് മെറ്റലുകൾ വിൽപന നടത്തു​േമ്പാൾ വിലയിൽ പലയിടത്തും വലിയ മാറ്റങ്ങളുണ്ട്​. ഇതടക്കമുള്ള കാര്യങ്ങൾ യോഗത്തിൽ വിലയിരുത്തി. വിവിധ കാരണങ്ങളാൽ പ്രാദേശിക കമ്പനികൾക്കിടയിൽ മത്സരക്ഷമതയില്ല. വ്യാപാരികൾക്കും ഉപഭോക്​താക്കൾക്കും ഇത് പലരൂപത്തിൽ നഷ്​ടം സംഭവിക്കാൻ ഇടവരുത്തുന്നു. ഇതടക്കമുള്ള വിഷയങ്ങൾ കമ്പനികൾ യോഗത്തിൽ ഖത്തർ ചേംബറിനെ അറിയിച്ചു.

എല്ലാവർക്കും സ്വീകാര്യമായ വില നിശ്ചയിക്കുന്നതു വരെ സ്​ക്രാപ്പി​െൻറ ഗുണമേന്മ തീരുമാനിക്കുന്നതിന്​ പ്രയാസങ്ങൾ അനുഭവിക്കുന്നുണ്ട്​. സ്​ക്രാപ് മേഖലയിൽ മത്സരക്ഷമത കൊണ്ടുവരുന്നതി​െൻറ പ്രാധാന്യം ഉയർത്തിക്കാട്ടിയ കമ്പനികൾ, തങ്ങളുടെ സ്​ക്രാപ് കയറ്റുമതി ചെയ്യുന്നതിനാവശ്യമായ നടപടികൾ സ്വീകരിക്കണമെന്നും അറിയിച്ചു. ഇതുമായി ബന്ധപ്പെട്ട് ഖത്തർ ചേംബർ, വാണിജ്യ വ്യവസായ മന്ത്രാലയം, മുനിസിപ്പാലിറ്റി പരിസ്​ഥിതി മന്ത്രാലയം, കസ്​റ്റംസ്​ ജനറൽ അതോറിറ്റി എന്നിവർ തമ്മിൽ സഹകരണം ശക്തമാക്കാനും കമ്പനികൾ ആവശ്യപ്പെട്ടു.

ഖത്തർ ചേംബർ ബോർഡ് അംഗവും ഭക്ഷ്യ സുരക്ഷ, പരിസ്​ഥിതി സമിതി മേധാവിയുമായ മുഹമ്മദ് ബിൻ അഹ്മദ് അൽ ഉബൈദലി യോഗത്തിൽ അധ്യക്ഷത വഹിച്ചു. സ്​ക്രാപ് മേഖലയിൽ പ്രവർത്തിക്കുന്ന കമ്പനികളുടെ ഉടമകളും മേധാവികളും പങ്കെടുത്തു. പ്രാദേശികമായി സ്വയം പര്യാപ്തത വഹിക്കുകയാണ് പ്രഥമമായി പരിഗണിക്കുന്നതെന്നും കമ്പനികൾക്ക് കയറ്റുമതിക്ക് അനുമതി നൽകുന്നതിന് മുമ്പായി ഓരോ ഇനത്തിലെയും സ്​ക്രാപ്പി​െൻറ വ്യാപ്തിയും സ്​ക്രാപ് പ്രോസസിങ്​ പ്ലാൻറുകളുടെ ശേഷിയും നിർണയിക്കേണ്ടത് അനിവാര്യമാണെന്നും യോഗത്തിൽ സംസാരിച്ച ഖത്തർ ചേംബർ ബോർഡ് അംഗം അൽ ഉബൈദലി പറഞ്ഞു. മലയാളികളടക്കമുള്ള നിരവധി ഇന്ത്യക്കാർ സജീവമായ മേഖലയാണ്​ രാജ്യത്തെ സ്​ക്രാപ്​ ബിസിനസ്​.