പച്ചപ്പും തണ്ണീർത്തടങ്ങളും; ഖത്തർ അതിമനോഹരം

ദോഹ: ദോഹ: പച്ചപ്പും തണ്ണീർത്തടങ്ങളും കണ്ടൽക്കാടുകളും നിറഞ്ഞ ഖത്തറിൻെറ മനംമയക്കുന്ന കാഴ്​ച പങ്കുവെച്ച്​ ഖത്തർമ്യൂസിയം ചെയർപേഴ്​സൺ കൂടിയായ ശൈഖ അൽ മയാസ ബിൻത്​ ഹമദ്​ ബിൻ ഖലീഫ ആൽഥാനി. ലോക കണ്ടൽ വൃക്ഷ ദിനമായ ജൂ​ൈല​ 26നായിരുന്നു അൽ ദഖീറയിലെ കണ്ടൽക്കാടുകളുടെ മനോഹരമായ ആകാശദൃശ്യങ്ങൾ ശൈഖ മയാസ ട്വിറ്ററിൽ പങ്കുവെച്ചത്​.

അറേബ്യൻ നാടുകളിലെ അപൂർവ കാഴ്​ചയാണ്​ കണ്ടൽ സമൃദ്ധമായ ഭൂപ്രദേശങ്ങൾ. കരയും കടലും തമ്മിലുള്ള അതിരുകളിൽ അപൂർവവും മനോഹരവും സമൃദ്ധവുമായ ആവാസവ്യവസ്ഥയാണ് കണ്ടൽക്കാടുകൾ. ഈ അപൂർവ ആവാസ സംവിധാനം ജീവജാലങ്ങളുടെ നിലനിൽപിനും കാരണമാകുന്നു -എന്ന കുറിപ്പോടെയാണ്​ ശൈഖ മയാസ നാലു​ ചിത്രങ്ങൾ പങ്കുവെച്ചത്​. 14 ചതുരശ്ര കിലോമീറ്ററിലാണ്​ ഖത്തറിലെ കണ്ടൽക്കാടുകളുടെ ശേഖരമുള്ളത്​. പരിസ്ഥിതി മന്ത്രാലയം അതിജാഗ്രതയോടെയാണ്​ ഈ പ്രകൃതി സമ്പത്തിനെ സംരക്ഷിക്കുന്നത്​. ഖത്തറിലെത്തുന്ന വിനോദ സഞ്ചാരികളുടെ പ്രധാന ആകർഷണ കേന്ദ്രം കൂടിയാണ്​ അൽ ദഖീറയിലെ കണ്ടൽ ശേഖരം. ആകർഷണ കേന്ദ്രം കൂടിയാണ്​ അൽ ദഖീറയിലെ കണ്ടൽ ശേഖരം.