ദോഹ: ഫിഫ അറബ് കപ്പിലെ മിന്നും പ്രകടനത്തിനു പിന്നാലെ ഫിഫ റാങ്കിങ്ങിൽ നേട്ടംകൊയ്ത് ഖത്തർ.
അറബ്കപ്പിൽ മൂന്നാം സ്ഥാനത്തെത്തിയ ഖത്തർ റാങ്കിങ്ങിൽ 50നുള്ളിൽ തിരികെയെത്തിയാണ് ശ്രദ്ധേയമായത്. കഴിഞ്ഞ ദിവസം പ്രഖ്യാപിച്ച റാങ്കിങ്ങിൽ ഖത്തർ 48ാം സ്ഥാനത്തെത്തി. 51ൽ നിന്നാണ് ഖത്തർ മൂന്ന് സ്ഥാനം മെച്ചപ്പെടുത്തി മുന്നേറിയത്.
അറബ് കപ്പ് ജേതാക്കളായ അൽജീരിയയും മൂന്ന് സ്ഥാനം മെച്ചപ്പെടുത്തി. നിലവിൽ 29ാം സ്ഥാനത്താണ് ടീം. കഴിഞ്ഞ ആറുമാസമായി സ്ഥിരതയാർന്ന പ്രകടനം നടത്തുന്ന ഖത്തർ റാങ്കിങ്ങിൽ സ്വപ്നകുതിപ്പാണ് കാഴ്ചവെക്കുന്നത്. കോൺകകാഫ് ഗോൾഡ് കപ്പ്, യൂറോപ്യൻ സന്നാഹ മത്സരങ്ങൾ എന്നിവയെല്ലാം കളിച്ചാണ് ടീം അറബ് കപ്പിന് ബൂട്ടുകെട്ടിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.