ദോഹ: ഖത്തറിൽ ഇന്ന് മുതൽ രണ്ടു ദിവസം ശക്തമായ കാറ്റിനും തണുപ്പിനും സാധ്യതയെന്ന് കാലാവസ്ഥാ നിരീക്ഷണ വകുപ്പ്. തീരത്ത് ജാഗ്രത നിർദേശം പ്രഖ്യാപിച്ചിട്ടുണ്ട്. നിർദേശങ്ങൾ കർശനമായി പാലിക്കണമെന്ന് അധികൃതർ പൊതുജനങ്ങളോട് അഭ്യർഥിച്ചു. ചൊവ്വ, ബുധൻ ദിവസങ്ങളിൽ ശക്തമായ ശീതക്കാറ്റുണ്ടാകുമെന്നാണ് കാലാവസ്ഥാ നിരീക്ഷണ വകുപ്പ് സമൂഹമാധ്യമങ്ങളിലൂടെ അറിയിച്ചത്. കാറ്റു മൂലം താപനിലയിൽ കാര്യമായ കുറവുണ്ടാകും. തണുപ്പ് കൂടുന്ന സാഹചര്യത്തിൽ ജാഗ്രത വേണമെന്നും അധികൃതർ ആവശ്യപ്പെട്ടു. അൽ ഖോറിലാണ് ഇന്നലെ ഏറ്റവും കുറഞ്ഞ താപനില രേഖപ്പെടുത്തിയത് - പതിനഞ്ചു ഡിഗ്രി സെൽഷ്യസ്. ഖത്തർ യൂണിവേഴ്സിറ്റി, ദോഹ എയർപോർട്ട് എന്നിവിടങ്ങളിലായിരുന്നു കൂടിയ താപനില, ഇരുപത്തിയാറ് ഡിഗ്രി സെൽഷ്യസ്.
തണുപ്പു കൂടുന്ന സാഹചര്യത്തിൽ ആഭ്യന്തര മന്ത്രാലയം ജാഗ്രതാ നിർദേശങ്ങൾ പുറപ്പെടുവിച്ചിട്ടുണ്ട്. അടച്ചിട്ടതോ വേണ്ടത്ര വായുപ്രവാഹമോ ഇല്ലാത്ത ഇടങ്ങളിൽ ചൂടുകായാൻ തീയോ കരിയോ ഉപയോഗിക്കരുതെന്ന് മന്ത്രാലയം ആവശ്യപ്പെട്ടു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.