അ​ണി​ഞ്ഞൊ​രു​ങ്ങാ​ൻ ഖ​ത്ത​റി​ലെ ബീ​ച്ചു​ക​ൾ

ദോ​ഹ: സ​ന്ദ​ർ​ശ​ക​രെ വ​ര​വേ​ൽ​ക്കാ​ൻ രാ​ജ്യ​ത്തെ ക​ട​ൽ​ത്തീ​ര​ങ്ങ​ൾ അ​ണി​ഞ്ഞൊ​രു​ങ്ങു​ന്നു. ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ ന​ട​ത്തി​യും മോ​ടി​കൂ​ട്ടി​യും ഖ​ത്ത​റി​ലെ പ്ര​ധാ​ന​പ്പെ​ട്ട 18 ബീ​ച്ചു​ക​ൾ മ​നോ​ഹ​ര​മാ​ക്കാ​നൊ​രു​ങ്ങു​ക​യാ​ണ്. പൊ​തു ബീ​ച്ചു​ക​ൾ ന​വീ​ക​രി​ക്കു​ന്ന​തി​നും അ​ടി​സ്ഥാ​ന സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തി​നും വേ​ണ്ടി പൊ​തു​മ​രാ​മ​ത്ത് വി​ഭാ​ഗ​മാ​യ അ​ശ്ഗാ​ലു​മാ​യി സ​ഹ​ക​രി​ച്ച് പ​ദ്ധ​തി​ക്ക് തു​ട​ക്കം കു​റി​ച്ച​താ​യി മു​നി​സി​പ്പാ​ലി​റ്റി മ​ന്ത്രാ​ല​യം പ്രോ​ജ​ക്ട്സ് മാ​നേ​ജ്‌​മെ​ന്റ് ആ​ൻ​ഡ് ഡെ​വ​ല​പ്‌​മെ​ന്റ് വി​ഭാ​ഗം ഡ​യ​റ​ക്ട​ർ അ​ബ്ദു​ൽ അ​സീ​സ് അ​ൽ റു​മൈ​ഹി പ​റ​ഞ്ഞു. പ​ദ്ധ​തി​യു​ടെ ആ​ദ്യ​ഘ​ട്ട​ത്തി​ൽ സി​മൈ​സ്മ, അ​ൽ വ​ക്റ, സീ​ലൈ​ൻ, അ​ൽ ഫ​ർ​ക്കി​യ, അ​ൽ ഗാ​രി​യ, സ​ഫ അ​ൽ തൗ​ഖ്, അ​ൽ ഖ​റാ​യി​ജ് എ​ന്നീ എ​ട്ട് പ്ര​ധാ​ന ബീ​ച്ചു​ക​ളാ​ണ് ഉ​ൾ​പ്പെ​ടു​ന്ന​ത്.

അ​ൽ വ​ക്റ​യി​ൽ ഈ ​വ​ർ​ഷം നി​ര​വ​ധി​യാ​ർ​ന്ന ന​വീ​ക​ര​ണ പ്ര​വ​ർ​ത്ത​ന​ങ്ങ​ൾ സ​ന്ദ​ർ​ശ​ക​ർ​ക്കാ​യി ഒ​രു​ക്കി​യി​രു​ന്നു.

ഭി​ന്ന​ശേ​ഷി​ക്കാ​ർ​ക്ക് പ്ര​ത്യേ​ക​മാ​യി രൂ​പ​ക​ൽ​പ​ന ചെ​യ്ത​വ ഉ​ൾ​പ്പെ​ടെ 200 വൈ​വി​ധ്യ​മാ​ർ​ന്ന മ​ര​ക്കു​ട​ക​ൾ, കു​ടും​ബ​ങ്ങ​ൾ​ക്കും വ്യ​ക്തി​ക​ൾ​ക്കും​വേ​ണ്ടി 300 പു​തി​യ ഇ​രി​പ്പി​ട​ങ്ങ​ൾ, കു​ട്ടി​ക​ൾ​ക്കാ​യി സു​ര​ക്ഷി​ത ക​ളി​സ്ഥ​ല​ങ്ങ​ൾ, റ​സ്റ്റാ​റ​ന്റു​ക​ൾ​ക്കും ഫു​ഡ് കാ​ർ​ട്ടു​ക​ൾ​ക്കു​മാ​യി പ്ര​ത്യേ​ക സ്ഥ​ല​ങ്ങ​ൾ, ബീ​ച്ച് പ്ര​വേ​ശ​ന ക​വാ​ട​ങ്ങ​ളും ന​ട​പ്പാ​ത​ക​ളും മ​നോ​ഹ​ര​മാ​ക്ക​ൽ, മ​ര​ങ്ങ​ൾ വെ​ച്ചു​പി​ടി​പ്പി​ക്ക​ൽ എ​ന്നി​വ ഉ​ൾ​പ്പെ​ടെ​യു​ള്ള വി​ക​സ​ന പ്ര​വൃ​ത്തി​ക​ളാ​ണ് ന​ട​ത്തി​യ​ത്.

ബീ​ച്ചു​ക​ൾ ഉ​ത്ത​ര​വാ​ദി​ത്ത​ത്തോ​ടെ ഉ​പ​യോ​ഗി​ക്കു​ന്ന​തി​നും സം​ര​ക്ഷി​ക്കു​ന്ന​തി​നും ജ​ന​ങ്ങ​ളി​ൽ അ​വ​ബോ​ധം വ​ള​ർ​ത്തു​ന്ന​തി​നും മു​നി​സി​പ്പാ​ലി​റ്റി മ​ന്ത്രാ​ല​യ​ത്തി​ലെ പ​ബ്ലി​ക് റി​ലേ​ഷ​ൻ​സ് വി​ഭാ​ഗം പ്ര​ചാ​ര​ണ പ​രി​പാ​ടി​ക​ൾ സം​ഘ​ടി​പ്പി​ക്കു​ന്നു​ണ്ട്. കൂ​ടാ​തെ, വേ​ന​ൽ​ക്കാ​ല​ത്ത് അ​ന്ത​രീ​ക്ഷ താ​പ​നി​ല വ​ർ​ധി​ച്ചു​വ​രു​ന്ന പ​ശ്ചാ​ത്ത​ല​ത്തി​ൽ, സ​ന്ദ​ർ​ശ​ക​രു​ടെ സു​ര​ക്ഷ ഉ​റ​പ്പാ​ക്കാ​ൻ മ​ന്ത്രാ​ല​യം നി​ര​വ​ധി ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്. ഇ​രി​പ്പി​ട​ങ്ങ​ളി​ലും ഒ​ത്തു​ചേ​രു​ന്ന സ്ഥ​ല​ങ്ങ​ളി​ലും കു​ട​ക​ളു​ടെ എ​ണ്ണം വ​ർ​ധി​പ്പി​ക്കു​ക, കു​ട്ടി​ക​ൾ​ക്കാ​യി ത​ണ​ലു​ള്ള വി​നോ​ദ മേ​ഖ​ല​ക​ൾ സൃ​ഷ്ടി​ക്കു​ക, പ്ര​ധാ​ന ബീ​ച്ചു​ക​ളി​ൽ പ്ര​ഥ​മ ശു​ശ്രൂ​ഷ സേ​വ​ന​ങ്ങ​ൾ ല​ഭ്യ​മാ​ക്കു​ക എ​ന്നി​വ ഈ ​ന​ട​പ​ടി​ക​ളി​ൽ ഉ​ൾ​പ്പെ​ടു​ന്നു.ആ​ഭ്യ​ന്ത​ര ടൂ​റി​സം ശ​ക്തി​പ്പെ​ടു​ത്തു​ന്ന​തോ​ടൊ​പ്പം ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ക കൂ​ടി ല​ക്ഷ്യ​മി​ട്ടാ​ണ് പ​ദ്ധ​തി ന​ട​പ്പാ​ക്കു​ന്ന​ത്. തി​ര​ക്കേ​റി​യ സ​മ​യ​ങ്ങ​ളി​ൽ ബീ​ച്ചി​ന്റെ നി​ല​വാ​രം നി​ല​നി​ർ​ത്താ​ൻ ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്കു​ക​യും സൗ​ക​ര്യ​ങ്ങ​ളു​ടെ അ​വ​സ്ഥ ഇ​ട​ക്കി​ടെ നി​രീ​ക്ഷി​ക്കു​ക​യും ചെ​യ്യു​ന്നു​ണ്ട്.

ബീ​ച്ചു​ക​ളി​ലെ വി​ക​സ​ന​ത്തോ​ടൊ​പ്പം മു​നി​സി​പ്പാ​ലി​റ്റി​ക​ളു​മാ​യും സ്വ​കാ​ര്യ മേ​ഖ​ല​യു​മാ​യും സ​ഹ​ക​രി​ച്ച് പു​തി​യ സ്ഥ​ല​ങ്ങ​ൾ തു​റ​ക്കു​മെ​ന്നും അ​ദ്ദേ​ഹം സൂ​ചി​പ്പി​ച്ചു. ഖ​ത്ത​ർ ന്യൂ​സ് ഏ​ജ​ൻ​സി​ക്ക് ന​ൽ​കി​യ അ​ഭി​മു​ഖ​ത്തി​ൽ സം​സാ​രി​ക്കു​ക​യാ​യി​രു​ന്നു അ​ദ്ദേ​ഹം.

ബീ​ച്ചു​ക​ൾ ന​വീ​ക​രി​ക്കു​ന്ന​തും സൗ​ക​ര്യ​ങ്ങ​ൾ മെ​ച്ച​പ്പെ​ടു​ത്തു​ന്ന​തും സ​ന്ദ​ർ​ശ​ക​രു​ടെ അ​ഭി​പ്രാ​യ​ങ്ങ​ൾ, ഫീ​ൽ​ഡ് ടീ​മി​ന്റെ വി​ല​യി​രു​ത്ത​ലു​ക​ൾ, മ​റ്റ് ആ​വ​ശ്യ​ക​ത​ക​ൾ എ​ന്നി​വ വി​ല​യി​രു​ത്തി​യാ​ണ് ന​ട​ത്തു​ന്ന​ത്.

ബീ​ച്ചു​ക​ളു​ടെ ശു​ചീ​ക​ര​ണം നി​ല​നി​ർ​ത്തു​ന്ന​തി​ൽ മ​ന്ത്രാ​ല​യം വ​ലി​യ പ്രാ​ധാ​ന്യം ന​ൽ​കു​ന്നു​ണ്ട്. ശു​ചീ​ക​ര​ണ ടീ​മു​ക​ളെ മു​ഴു​വ​ൻ സ​മ​യ​വും പ്ര​വ​ർ​ത്തി​ക്കാ​ൻ ചു​മ​ത​ല​പ്പെ​ടു​ത്തി​യി​ട്ടു​ണ്ട്. കൂ​ടാ​തെ, വി​ശ്ര​മ​മു​റി​ക​ളും പ്രാ​ർ​ഥ​ന​മു​റി​ക​ളും പോ​ലു​ള്ള പ്ര​ധാ​ന സൗ​ക​ര്യ​ങ്ങ​ൾ വൃ​ത്തി​യാ​ക്കു​ന്ന​തി​ന് പ്ര​ത്യേ​ക ക​മ്പ​നി​ക​ളു​മാ​യി ക​രാ​റി​ൽ ഒ​പ്പി​ട്ടി​ട്ടു​ണ്ട്. സ്ഥി​തി​ഗ​തി​ക​ൾ നി​രീ​ക്ഷി​ക്കാ​നും ആ​വ​ശ്യ​മു​ള്ള​പ്പോ​ൾ വേ​ഗ​ത്തി​ൽ ഇ​ട​പെ​ടാ​നും ഫീ​ൽ​ഡ് സൂ​പ്പ​ർ​വി​ഷ​ൻ ടീ​മു​ക​ളും സ​ജീ​വ​മാ​ണ്.

ഇ​തോ​ടൊ​പ്പം, ബീ​ച്ചു​ക​ളി​ൽ സ​ന്ദ​ർ​ശ​ന​ത്തി​ന് വ​രു​ന്ന​വ​ർ അ​ന്ത​രീ​ക്ഷ താ​പ​നി​ല കു​റ​ഞ്ഞ സ​മ​യം തെ​ര​ഞ്ഞെ​ടു​ക്കു​ക, സ​ൺ​സ്ക്രീ​ൻ ഉ​പ​യോ​ഗി​ക്കു​ക, സൂ​ര്യ​പ്ര​കാ​ശ​ത്തി​ൽ ദീ​ർ​ഘ​നേ​രം നി​ൽ​ക്കു​ന്ന​ത് ഒ​ഴി​വാ​ക്കു​ക തു​ട​ങ്ങി​യ ആ​രോ​ഗ്യ മ​ന്ത്രാ​ല​യ​ത്തി​ന്റെ നി​ർ​ദേ​ശ​ങ്ങ​ൾ പാ​ലി​ക്ക​ണ​മെ​ന്നും അ​ൽ റു​മൈ​ഹി അ​ഭ്യ​ർ​ഥി​ച്ചു.