ദോഹ: ഇന്ത്യൻ ഇസ്ലാമിക് അസോസിയേഷൻ (നിലവിൽ സെന്റർ ഫോർ ഇന്ത്യൻ കമ്യൂണിറ്റി - സി.ഐ.സി) മുൻ പ്രസിഡന്റായിരുന്ന അന്തരിച്ച എ. മുഹമ്മദ് അലി അനുസ്മരണ പരിപാടി ബർവ വില്ലേജിൽ സംഘടിപ്പിച്ചു. സി.ഐ.സി സംഘടിപ്പിച്ച പരിപാടിയിൽ വൈസ് പ്രസിഡന്റ് ഇ. അർഷദ് അധ്യക്ഷത വഹിച്ചു.
ഖത്തർ ഇന്ത്യൻ ഇസ്ലാമിക് അസോസിയേഷൻ വളർത്തിക്കൊണ്ടുവരുന്നതിലും ഖത്തറിലും നാട്ടിലും വിദ്യാഭ്യാസ, സാമൂഹിക സാംസ്കാരിക മേഖലയിലും അദ്ദേഹം നൽകിയ നിസ്തുല സംഭാവനകൾ പരിപാടിയിൽ സംബന്ധിച്ചവർ അനുസ്മരിച്ചു. അസോസിയേഷൻ മുൻ പ്രസിഡന്റുമാരായ കെ.സി. അബ്ദുല്ലത്തീഫ്, വി.ടി. ഫൈസൽ, കെ.ടി. അബ്ദുറഹ്മാൻ, വിമൻ ഇന്ത്യ പ്രസിഡന്റ് നസീമ ടീച്ചർ, എം. മുഹമ്മദ് അലി, റഫീഖ് തങ്ങൾ, മുഹമ്മദ് സലീം, ജലീൽ കുറ്റ്യാടി, അബ്ദുൽ അസീസ് കൂളിമുട്ടം, നാദിർ ഉമർ എന്നിവർ സംസാരിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.