പെയിൻറിങ്ങിന് തെരഞ്ഞെടുക്കപ്പെട്ട അൽകർതിയാത്ത് ഇൻറർചെയ്ഞ്ചിലെ പാലത്തിെൻറ ചുവർ
ദോഹ: ദോഹയുടെ വിവിധ ഭാഗങ്ങളിലെ ചുവരുകൾ വർണ ചിത്രങ്ങളാൽ അലങ്കരിക്കുന്നതിനായി 17 ഖത്തരികളും വിദേശികളുമായ കലാകാരന്മാർ. ഖത്തർ മ്യൂസിയത്തിെൻറ ജിദാരി ആർട്ട് സംരംഭം വഴിയാണ് പദ്ധതി നടപ്പാക്കുന്നത്. ഒരു മാസം നീണ്ടുനിൽക്കുന്ന സംരംഭത്തിന് ചൊവ്വാഴ്ച തുടക്കം കുറിച്ചു. ഖത്തർ മ്യൂസിയം നടപ്പാക്കുന്ന പദ്ധതിയിലൂടെ ദോഹയുടെ ചുവരുകൾക്ക് വർണങ്ങളാൽ പുതുജീവൻ ലഭിക്കും. അൽ അബ്റാജ് പാർക്ക്, അൽ അസ്മഖ് ഏരിയ, ദോഹ ഫെസ്റ്റിവൽ സിറ്റി ഇൻറർചെയ്ഞ്ച്, അൽഖോർ ഇൻറർചെയ്ഞ്ച്, പോസ്റ്റ് ഓഫിസ് പാർക്ക്, 5/6 പാർക്ക്, ൈഫ്ല ഓവർ, ഖത്തർ നാഷനൽ ലൈബ്രറി, മെേട്രാസ്റ്റേഷൻ, ഫരീജ് കുലൈബ് വുഖൂദ് പെേട്രാൾ സ്റ്റേഷൻ തുടങ്ങിയ സ്ഥലങ്ങളിലാണ് കലാകാരന്മാർ ചുവരുകൾ അലങ്കരിക്കുന്നത്. വിവിധ പാലങ്ങളുടെ ചുവരുകളടക്കം ഇനി വർണവിസ്മയത്താൽ നിറയും.
ഖത്തറിെൻറ വിവിധ ഭാഗങ്ങളിൽ രാജ്യത്തെ കലാകാരന്മാരുടെ സൃഷ്ടികൾക്ക് വെളിച്ചം പകരുന്നതിൽ മുഖ്യപങ്ക് വഹിച്ച ശൈഖ അൽ മയാസ ബിൻത് ഹമദ് ആൽഥാനിക്ക് ബ്യൂട്ടിഫിക്കേഷൻ ഓഫ് റോഡ്സ് ആൻഡ് പബ്ലിക് പ്ലേസസ് സൂപ്പർവൈസറി കമ്മിറ്റി ചെയർമാൻ എൻജി. മുഹമ്മദ് അർഖൂബ് അൽ ഖൽദി നന്ദി അറിയിച്ചു.
ബ്യൂട്ടിഫിക്കേഷൻ ഓഫ് റോഡ്സ് ആൻഡ് പബ്ലിക് പ്ലേസസ് സുപ്രീം കമ്മിറ്റി, ക്യു റെയിൽ, വുഖൂദ്, ദി ഫയർ സ്റ്റേഷൻ എന്നിവയുടെ സംയുക്ത സഹകരണത്തോടെയാണ് ജിദാരി ആർട്ട് നടപ്പാക്കുന്നത്. മുബാറക് അൽ മാലിക്, ഹുദ ബസാഹൽ, നൂറ അൽ മൻസൂരി, ദിമിത്രിജെ ബുഗർസ്കി, ശരീഫ അൽ മന്നാഇ, തമൽ അൽ ദോസരി, മുന അൽ ബദർ, ഫാതിമ അൽ ശർസാനി, മിഖായേൽ പെറോൺ, മർയം അൽ മദാദി, ഷുവാ അൽ കുവാരി, അബ്ദുൽ അസീസ് യൂസുഫ്, അബ്ദുല്ല അൽ ഇമാദി, അൽ അനൂദ് അൽ ഗാമിദി, ഹൈഫ അൽ ഖുസാഇ, ഐശ അൽ ഫദല എന്നിവരാണ് ജിദാരി ആർട്ടിലേക്ക് തെരഞ്ഞെടുക്കപ്പെട്ട കലാകാരന്മാർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.