വനിത കൂട്ടായ്മ ഹെർ സലാല സംഘടിപ്പിച്ച ഓണാഘോഷത്തിൽനിന്ന്
സലാല: വനിത കൂട്ടായ്മ ഹെർ സലാല വിപുലമായ രീതിയിൽ ഓണാഘോഷം സംഘടിപ്പിച്ചു. ഒമാനി വിമൻസ് ഹാളിൽ നടന്ന പരിപാടിയിൽ ഓണസദ്യയും വിവിധ കലാപരിപാടികളും നടന്നു. കൺവീനർ ഷാഹിദ കലാം, കോ കൺവീനർ, ഡോ. സമീറ സിദ്ദീഖ്, പിന്നണി ഗായിക ഡോ. സൗമ്യ സനാതനൻ എന്നിവർ പരിപാടികൾക്ക് നേതൃത്വം നൽകി. ആഘോഷങ്ങളുടെ ഭാഗമായി നേരത്തെ ലുലു ഹൈപ്പർ മാർക്കറ്റിൽ പായസ മത്സരവും ഫാഷൻ ഷോയും സംഘടിപ്പിച്ചിരുന്നു.
പായസ മത്സരത്തിൽ ഒന്നാം സ്ഥാനം റഹാന ഷബീബ്, രണ്ടാം സ്ഥാനം ശ്രീനിതാ സാജൻ, മൂന്നാം സ്ഥാനം പ്രിയ ജോഷി എന്നിവർ കരസ്ഥമാക്കി.
ഫാഷൻ ഷോയിൽ ഒന്നാം സ്ഥാനം അനുഷ്ക സന്തോഷും രണ്ടാം സ്ഥാനം ലക്ഷ്യ നായരും മൂന്നാം സ്ഥാനം ആദം ജമീലും കരസ്ഥമാക്കി
കോഓഡിനേറ്റർ അനിത അജിത്ത്, വൃന്ദ അനിൽ, ഡോ. അക്ഷര പ്രശാന്ത്, ശോഭാ മുരളി, റീന ജാഫർ, മറ്റ് എക്സിക്യൂട്ടിവ് അംഗങ്ങൾ എന്നിവർ സംബന്ധിച്ചു. ഷാഫില അലി ഹാഷ്മി പരിപാടി നിയന്ത്രിച്ചു. ഡോ. അക്ഷര പ്രശാന്ത് നന്ദി പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.