മസ്കത്ത്: ഒമാനിൽ ജൂണിൽ ജീവിതച്ചെലവ് വർധിച്ചു. കഴിഞ്ഞ വർഷം ജൂണിനെ അപേക്ഷിച്ച് പണപ്പെരുപ്പത്തിൽ 1.25 ശതമാനത്തിെൻറ വർധനയാണ് ഉണ്ടായതെന്ന് ദേശീയ സ്ഥിതിവിവരകേന്ദ്രത്തിെൻറ കണക്കുകൾ പറയുന്നു.
കഴിഞ്ഞ വർഷത്തെ അപേക്ഷിച്ച് ഗതാഗത ചെലവിലാണ് ജൂണിൽ ഏറ്റവുമധികം വർധനയുണ്ടായത്. 5.72 ശതമാനത്തിെൻറ വർധനയാണ് ഈയിനത്തിലുണ്ടായത്. സാധനങ്ങളുടെയും സേവനങ്ങളുടെയും വിഭാഗത്തിലുണ്ടായത് 3.30 ശതമാനത്തിെൻറ വർധനയാണ്.
പുകയില ഉൽപന്നങ്ങളുടെ വില 2.96 ശതമാനവും സാംസ്കാരിക-വിനോദ വിഭാഗത്തിൽ 1.61 ശതമാനത്തിെൻറയും തുണിത്തരങ്ങളുടെയും ചെരിപ്പുകളുടെ വിഭാഗത്തിൽ 0.31 ശതമാനത്തിെൻറയും വിദ്യാഭ്യാസ-ആരോഗ്യ വിഭാഗത്തിൽ 0.08 ശതമാനത്തിെൻറയും വൈദ്യുതി, ഗ്യാസ് തുടങ്ങിയവയുടെ വിഭാഗത്തിൽ 0.07 ശതമാനത്തിെൻറയും വർധനയുണ്ടായി. അതേസമയം, ഭക്ഷണപാനീയങ്ങളുടെ വിലയിൽ 0.58 ശതമാനത്തിെൻറ കുറവുണ്ടായതായും ദേശീയ സ്ഥിതിവിവര കേന്ദ്രത്തിെൻറ കണക്കുകൾ പറയുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.