സുഹാർ: 28 വർഷമായി യു.എ.ഇ.യിലും ഒമാനിലുമായി പ്രവാസ ജീവിതം നയിച്ച് നാട്ടിലേക്ക് മടങ്ങുന്ന കലാ-സാംസ്കാരിക മേഖലയിൽ നിറ സാന്നിധ്യമായ രാജൻ പള്ളിയത്തിന് യാത്രയയപ്പ് സംഘടിപ്പിച്ചു. എള്ളുണ്ട വെബ് സീരീസിൽ നടനായിരുന്ന രാജന് എള്ളുണ്ട ടീം പ്രവർത്തകർ ബോളിവുഡ് കഫെ വില്ലയിൽ സംഘടിപ്പിച്ച യാത്രയയപ്പ് പരിപാടിയിൽ നിരവധിപേർ പങ്കെടുത്തു.
എള്ളുണ്ട ടീമിന്റെ ഉപഹാരം മുഹമ്മദ് സഫീർ നൽകി. രാജന്റെ പത്നി രജനിരാജിനുള്ള ഉപഹാരം തെസ്ലി സാദിഖ് കൈമാറി. ചടങ്ങിൽ ശിവൻ അമ്പാട്ട്, റഫീഖ് പറമ്പത്ത്, ജംഷീർ റഹ്മാൻ, സാദിഖ് സാക്കു, നദ്ന ഷെറിൻ, തെസ്ലി, ഫസീല എറാഞ്ചേരി എന്നിവർ സംസാരിച്ചു. രാജൻ പള്ളിയത്ത് മറുപടി പ്രസംഗം നടത്തി.കാസർകോട് ജില്ലയിലെ നീലേശ്വരം സ്വദേശിയാണ് രാജൻ പള്ളിയത്ത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.