മസ്കത്ത്: മാർ ഗ്രീഗോറിയോസ് ഓർത്തഡോക്സ് മഹാ ഇടവകയിൽ പരുമല മാർ ഗ്രീഗോറിയോസ് തിരുമേനിയുടെ 116ാം ഓർമപെരുന്നാളിന് കൊടിയേറി. നവംബർ ഒന്ന്, രണ്ട് തീയതികളിൽ നടക്കുന്ന പെരുന്നാൾ ശുശ്രൂഷകൾക്ക് സഭയുടെ തൃശൂർ ഭദ്രാസനാധിപൻ അഭി. ഡോ. യൂഹാനോൻ മാർ മിലിത്തിയോസ് മുഖ്യ കാർമികത്വം വഹിക്കും. ഫാ. ഡോ. കുര്യൻ ഡാനിയേൽ, ഇടവക വികാരി ഫാ. പി.ഒ. മത്തായി, അസോ. വികാരി ഫാ. ബിജോയ് വർഗീസ് എന്നിവർ സഹ കാർമികത്വം വഹിക്കും. പെരുന്നാൾ ആചരണത്തോടനുബന്ധിച്ച് വചന ശുശ്രൂഷ, ഭക്തിനിർഭരമായ റാസ, വിശുദ്ധ മൂന്നിന്മേൽ കുർബാന, നേർച്ച വിളമ്പ്, ശ്ലൈഹീക വാഴ്വ് എന്നിവ നടത്തും.
വചന ശുശ്രൂഷക്ക് ഡോ. യൂഹാനോൻ മാർ മിലിത്തിയോസ്, ഫാ. ഡോ. കുര്യൻ ഡാനിയേൽ എന്നിവർ നേതൃത്വം നൽകും. നവംബർ രണ്ടിന് 46ാമത് ഇടവക ദിനാചരണം, ഫെറ്റ് ആൻഡ് സെയിൽ, ആദ്യ ഫലലേലം, ഗാന ശുശ്രൂഷ, വിവിധ കലാപരിപാടികൾ എന്നിവ നടത്തും. 10,12 ക്ലാസുകളിൽ ഉന്നത വിജയം നേടിയ വിദ്യാർഥികളെ ആദരിക്കും. നവംബർ നാലിന് ഡോ. സ്തേഫാനോസ് മാർ തേവോദോസിയോസിെൻറ 11ാമത് ഓർമയും അനുസ്മരണവും നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.