റോമിൽ നടക്കുന്ന ഐക്യരാഷ്ട്രസഭയുടെ ഭക്ഷ്യ-കാർഷിക സംഘടനയുടെ സമ്മേളനത്തിൽ ഒമാൻ പ്രതിനിധി സംഘം
മസ്കത്ത്: ഇറ്റാലിയൻ തലസ്ഥാനമായ റോമിൽ നടക്കുന്ന ഐക്യരാഷ്ട്രസഭയുടെ ഭക്ഷ്യ-കാർഷിക സംഘടനയുടെ (എഫ്.എ.ഒ) 44ാമത് സമ്മേളനത്തിൽ പങ്കാളിയായി ഒമാൻ. കൃഷി, മത്സ്യബന്ധനം, ജലവിഭവ മന്ത്രി ഡോ. സൗദ് ബിൻ ഹമൂദ് അൽ ഹബ്സിയാണ് സുൽത്താനേറ്റിന്റെ പ്രതിനിധി സംഘത്തെ നയിച്ചത്.
വിശപ്പ് ഇല്ലാതാക്കൽ, ഭക്ഷ്യസുരക്ഷ കൈവരിക്കൽ, പ്രകൃതിവിഭവങ്ങളുടെ സുസ്ഥിര മാനേജ്മെന്റ് ഉറപ്പാക്കൽ എന്നിവയുമായി ബന്ധപ്പെട്ട സുസ്ഥിര വികസന ലക്ഷ്യങ്ങൾ കൈവരിക്കുന്നതിനുള്ള അന്താരാഷ്ട്ര ശ്രമങ്ങളോടുള്ള പ്രതിബദ്ധതയുടെ ഭാഗമാണ് സമ്മേളനത്തിൽ സുൽത്താനേറ്റിന്റെ പങ്കാളിത്തം.
ലോകമെമ്പാടുമുള്ള കൃഷി, ഭക്ഷ്യ, ജല മന്ത്രിമാരെയും അന്താരാഷ്ട്ര സംഘടനകളിലെ മുതിർന്ന ഉദ്യോഗസ്ഥർ പങ്കെടുക്കുന്ന അന്താരാഷ്ട്ര പരിപാടിയാണിത്. ആഗോള ഭക്ഷ്യസുരക്ഷ, കാർഷിക, ഗ്രാമവികസനം, പ്രകൃതിവിഭവ മാനേജ്മെന്റ്, ഭക്ഷ്യവ്യവസ്ഥയിലെ നവീകരണം തുടങ്ങിയ വിഷയങ്ങൾ ചർച്ച ചെയ്യും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.