മസ്കത്ത്: വ്യാജ ചെക്കുകൾ ഉപയോഗിച്ച് പണം തട്ടിവന്ന സംഘത്തെ അറസ്റ്റ് ചെയ്തതായി കുറ്റാന്വേഷണ വിഭാഗം അറിയിച്ചു. ഏഴുപേരാണ് അറസ്റ്റിലായത്. വിവിധ ബാങ്കുകളിൽനിന്നായി രണ്ട് ലക്ഷത്തിലധികം റിയാലാണ് ഇവർ പിൻവലിച്ചത്. പരാതിയെ തുടർന്ന് നടത്തിയ അന്വേഷണത്തിലാണ് സംഘാംഗങ്ങൾ പിടിയിലായത്.
വിദേശത്താണ് വ്യാജ ചെക്കുകൾ തയാറാക്കിയിരുന്നത്. ഇത് ഒമാനിൽ എത്തിച്ച ശേഷം വിവിധ ബാങ്കുകളിൽ നൽകി പണം തട്ടുകയാണ് ചെയ്തിരുന്നത്. പിടിയിലായവരിൽ നിരവധി വ്യാജ ചെക്കുകളും പിടിച്ചെടുത്തു. ഇത്തരം ക്രിമിനൽ പ്രവർത്തനങ്ങളെ കുറിച്ച് എല്ലാവരും ബോധവാൻമാരാകണമെന്നും ബാങ്കിങ് ഇടപാടുകൾ നടത്തുന്നവർ ജാഗ്രത പുലർത്തണമെന്നും അധികൃതർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.