റമദാൻ ക്വിസ് മത്സരത്തിലെ രണ്ടാംഘട്ട വിജയികൾ സമ്മാനങ്ങൾ ഏറ്റുവാങ്ങിയപ്പോൾ
മസ്കത്ത്: ഗൾഫ് മാധ്യമം പ്രമുഖ ഭക്ഷ്യോൽപന്ന കമ്പനിയായ നൂർ ഗസൽ ഫുഡ്സുമായി ചേർന്ന് ഒമാനിലെ വായനക്കാർക്കായി സംഘടിപ്പിച്ച റമദാൻ ക്വിസ് മത്സരത്തിലെ രണ്ടാംഘട്ട വിജയികൾക്ക് സമ്മാനങ്ങൾ വിതരണം ചെയ്തു.
സുജ മാത്യു, സി.കെ. സുഹൈൽ, ബാലകൃഷ്ണൻ വലിയാട്ട്, എം. സൂരജ് എന്നിവരാണ് സമ്മാനങ്ങൾ ഏറ്റുവാങ്ങിയത്. ബാക്കിയുള്ളവർ ഒമാൻ ഗൾഫ് മാധ്യമം ഓഫിസിൽനിന്ന് സമ്മാനങ്ങൾ കൈപ്പറ്റേണ്ടതാണ്. റമദാൻ എട്ടുമുതൽ 17 വരെയുള്ള ദിനങ്ങളിലെ മത്സരത്തിൽ പങ്കെടുത്തവരിൽനിന്ന് ശരിയുത്തരം അയച്ചവരിൽനിന്നാണ് രണ്ടാംഘട്ട വിജയികളെ തിരഞ്ഞെടുത്തത്. മൂന്നാംഘട്ട വിജയികളെ ഉടൻ പ്രഖ്യാപിക്കുമെന്ന് അധികൃതർ അറിയിച്ചു.
റമദാൻ അവസാനം വരെ ‘ഗൾഫ് മാധ്യമം’ പത്രം, വെബ്സൈറ്റ്, സോഷ്യൽ മീഡിയ പേജുകൾ എന്നിവയിലൂടെ ദിനേന ഒരു ചോദ്യം വീതം പ്രസിദ്ധീകരിച്ചിരുന്നു. ഓരോ ദിവസത്തെയും ചോദ്യങ്ങൾക്ക് ശരിയുത്തരം അയച്ചവരിൽനിന്ന് നറുക്കിട്ട് ഓരോ വിജയിക്ക് നൂർ ഗസലിന്റെ ഗിഫ്റ്റ് ഹാമ്പറാണ് സമ്മാനമായി നൽകുന്നത്. ശരിയുത്തരം അയച്ചവരുടെ പേരുകൾ നറുക്കെടുത്ത് മെഗാ സമ്മാനമായി സാംസങ്ങിന്റെ 43 ഇഞ്ച് ടെലിവിഷനും സമ്മാനിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.