നവചേതന ഡാൻസ് ഉത്സവ് 2024 സീസൺ 2ന്റെ പോസ്റ്റർ സുഹാർ ലുലു ഹൈപ്പർ മാർക്കറ്റ് ജനറൽ മാനേജർ ഇസ്മയിൽ ഋതു രാജേഷിനും ശാന്തി പ്രവീണിനും നൽകി പ്രകാശനം ചെയ്യുന്നു
സുഹാർ: സുഹാർ നവചേതന ഒമാനിലെ കലാപ്രതിഭകളെ പങ്കെടുപ്പിച്ചു ‘ഡാൻസ് ഉത്സവ് 2024’ സീസൺ 2 നടത്തും. ഏപ്രിൽ 26ന് സുഹാറിലെ ലുലു ഹൈപ്പർ മാർക്കറ്റിൽ ഒഡിഷൻ നടക്കുമെന്ന് സൊഹാർ നവചേതന പ്രസിഡന്റ് സൗമ്യ ഹുബൈസും സെക്രട്ടറി അനീഷ് ഏറാടത്തും അറിയിച്ചു.
ഇതിന്റെ ഭാഗമായി ഡാൻസ് ഉത്സവ് 2024 സീസൺ 2ന്റെ പോസ്റ്റർ പ്രകാശനം സുഹാർ ലുലു ഹൈപ്പർ മാർക്കറ്റ് ജനറൽ മാനേജർ ഇസ്മയിൽ ഡാൻസ് ഉത്സവ് കോഓഡിനേറ്റർമാരായ ഋതു രാജേഷിനും, ശാന്തി പ്രവീണിനും നൽകി നിർവഹിച്ചു. നവചേതന പ്രവർത്തകരും ക്ഷണിക്കപ്പെട്ടയാളുകളും പങ്കെടുത്തു. ഗ്രാൻഡ് ഫിനാലെ മേയ് 10ന് നടക്കുമെന്ന് സംഘാടകർ അറിയിച്ചു.
ഗ്രാൻഡ് ഫിനാലെയിൽ ഡി ഫോർ ഡാൻസ് ഫെയിം സുഹൈദ് കുക്കു മുഖ്യാതിഥിയായിരിക്കും. ഒമാനിൽ ആദ്യമായി ‘മൈമ്’ മത്സരം കൂടി ഡാൻസ് ഉത്സവിൽ അരങ്ങേറും. ഡാൻസ് ഉത്സവ് ജൂനിയർ, സീനിയർ, ഓപ്പൺ കാറ്റഗറികളിൽ സോളോയും ഗ്രൂപ് മത്സരങ്ങളും ഉണ്ടായിരിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.