ഖാറൻ ആലം വിമാനത്താവള റൺവേ ഉദ്യോഗസ്ഥർ പരിശോധിക്കുന്നു
മസ്കത്ത്: അറ്റകുറ്റപ്പണികൾക്കായി നിർത്തിവെച്ച ദാഖിലിയ ഗവർണറേറ്റിലെ ഖാറൻ ആലം വിമാനത്താവളത്തിന്റെ പ്രവർത്തനങ്ങൾ പുനരാരംഭിക്കുന്നു. സിവിൽ ഏവിയേഷൻ അതോറിറ്റിയാണ് ഇക്കാര്യം (സി.എ.എ) അറിയിച്ചത്.
റൺവേയുടെ പരിശോധനകളടക്കം പൂർത്തിയാക്കി വിമാനങ്ങൾ പ്രവർത്തിക്കാൻ അനുയോജ്യമാണെന്ന് ഉറപ്പാക്കിയതിന്റെ അടിസ്ഥാനത്തിലാണ് ഖറൻ ആലം വിമാനത്താവളം വീണ്ടും തുറക്കുന്നത്. സിവിൽ ഏവിയേഷന്റെ സാങ്കേതിക സംവിധാനങ്ങൾക്കനുസൃതമായ ആവശ്യകതകളും മാനദണ്ഡങ്ങളും പാലിക്കുന്നുണ്ടെന്നും ഉറപ്പാക്കിയിട്ടുണ്ട്.
അതോറിറ്റി പുറപ്പെടുവിച്ച ദേശീയ ചട്ടങ്ങൾക്കനുസൃതമായി വിമാനത്താവളത്തിന്റെ ഓപറേറ്റിങ് ലൈസൻസ് പുതുക്കുക എന്ന ലക്ഷ്യത്തോടെ സമഗ്രമായ പരിശോധനയും നടത്തിയതായി സി.എ.എ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.