മസ്കത്ത്: റുസ്താഖ് ഇന്ത്യൻ സ്കൂൾ പുതിയ കെട്ടിടത്തിൽ പ്രവർത്തനമാരംഭിച്ചു. സ്കൂൾ ആരംഭിച്ച് 25 വർഷം പിന്നിടുേമ്പാഴാണ് വില്ലയിൽനിന്ന് മാറി പുതിയ കെട്ടിടമെന്ന സ്വപ്നം സ്കൂളിന് സാക്ഷാത്കരിക്കാൻ കഴിഞ്ഞത്. മുൻ ഇന്ത്യൻ സ്കൂൾ ബോർഡ് ചെയർമാൻ വിൽസൺ.വി.ജോർജ് ഉദ്ഘാടനം ചെയ്തു. സ്വകാര്യ സ്കൂൾ വിഭാഗം ഉപമേധാവി ഖാലിദ് അൽ ഷൂഹുമി, മുൻ ഇന്ത്യൻ സ്കൂൾ ഡയറക്ടർ ബോർഡ് അംഗം പെരി ജഗന്നാഥ മണി, എസ്.എം.സി പ്രസിഡൻറ് അബ്ദുല്ല പനഗുരി, ഡോ. അലക്സ് സി. ജോസഫ്, എസ്.എം.സി കൺവീനർ ഡോ. അശോക് മനവഴി, മുഹമ്മദ് റിയാസ് ഖാൻ, റഫീഖ്റഹ്മാൻ, സ്കൂൾ പ്രിൻസിപ്പാൾ ബിജു വർഗീസ് തുടങ്ങിയവർ ചടങ്ങിൽ പങ്കെടുത്തു. ഒമാനിലെ ഇന്ത്യൻ സ്കൂൾ വിദ്യാർഥികൾക്ക് മികച്ച അടിസ്ഥാന സൗകര്യവികസനത്തിന് അർഹതയുണ്ടെന്നും പുതിയ സ്കൂൾ കെട്ടിടത്തിെൻറ ഉദ്ഘാടനം ഈ പദ്ധതിയിൽ ഒരു നാഴികക്കല്ലാണെന്നും അദ്ദേഹം പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.