ഇന്ത്യൻ നാഷനൽ സ്കൂൾ ചെസ് ചാമ്പ്യൻഷിപ്പിൽ ജേതാവായ ഇലാൻ ഷഫീഖിന് മത്ര കെ.എം.സി.സിയുടെ സ്നേഹോപഹാരം പ്രസിഡന്റ് ഫൈസൽ മാഷ് കൈമാറുന്നു
മസ്കത്ത്: ഇന്ത്യൻ നാഷനൽ സ്കൂൾ ചെസ് ചാമ്പ്യൻഷിപ്പിൽ ജേതാവായ ഇലാൻ ഷഫീഖിനെ മത്ര കെ.എം.സി.സി അനുമോദിച്ചു. സ്നേഹോപഹാരം പ്രസിഡന്റ് ഫൈസൽ മാഷ് കൈമാറി. ഇന്ത്യൻ സ്കൂൾ ബോഷർ സ്കൂളിലെ നാലാം ക്ലാസ് വിദ്യാർഥിയും തൃശൂർ സ്വദേശികളായ ഷഫീഖ് -നജീഷ ദമ്പതികളുടെ മകനുമാണ് ഇലാൻ. മത്ര കെ.എം.സി.സി നേതാക്കൾ ചടങ്ങിൽ പങ്കെടുത്തു.
അസം ഗുവാഹതിയിലെ സറുസാജൈ ഇൻഡോർ സ്റ്റേഡിയത്തിൽ കഴിഞ്ഞ ഡിസംബർ 27 മുതൽ 31വരെ നടന്ന 14ാമത് ഇന്ത്യൻ നാഷനൽ സ്കൂൾ ചെസ് ചാമ്പ്യൻഷിപ്പിൽ അണ്ടർ -ഒമ്പത് കാറ്റഗറിയിലാണ് ഇലാന്റെ നേട്ടം. ഒമ്പത് മത്സരങ്ങളിൽ ഏഴ് മത്സരങ്ങളിൽ വിജയിച്ചും രണ്ടു മത്സരങ്ങളിൽ സമനില പാലിച്ചും ആകെ എട്ട് പോയിന്റ് കരസ്ഥമാക്കിയാണ് ഇലാൻ ചാമ്പ്യനായത്. ഒമാനിൽനിന്നും ആദ്യമായാണ് ഒരു വിദ്യാർഥി ദേശീയ ചെസ് ചാമ്പ്യൻഷിപ് കരസ്ഥമാക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.