ലണ്ടനിൽ നടന്ന ജി.സി.സി രാജ്യങ്ങളുടെയും യു.കെയുടെയും മന്ത്രിതല യോഗം
മസ്കത്ത്: ലണ്ടനിൽ നടന്ന ജി.സി.സി രാജ്യങ്ങളുടെയും യു.കെയുടെയും മന്ത്രിതല യോഗത്തിൽ ഒമാൻ പങ്കെടുത്തു. ഒമാൻ പ്രതിനിധി സംഘത്തെ വിദേശകാര്യ മന്ത്രി സയ്യിദ് ബദർ ഹമദ് അൽ ബുസൈദിയായിരുന്നു നയിച്ചത്. ജി.സി.സി രാജ്യങ്ങളും യു.കെയും അംഗീകരിച്ച കർമപദ്ധതി മെച്ചപ്പെടുത്തുന്നതും മറ്റും യോഗം ചർച്ച ചെയ്തു. പ്രാദേശികവും അന്തർദേശീയവുമായ വിഷയങ്ങളെക്കുറിച്ചും ഇരു വിഭാഗങ്ങൾകും താൽപര്യമുള്ള കാര്യങ്ങളെക്കുറിച്ചും മന്ത്രിമാർ അഭിപ്രായങ്ങൾ കൈമാറി. സംവാദത്തിലൂടെയും സമാധാനപരവും രാഷ്ട്രീയവുമായ മാർഗങ്ങളിലൂടെയും സുരക്ഷയും സ്ഥിരതയും കൈവരിക്കുന്നതിനുള്ള ശ്രമങ്ങളും അവലോകനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.