മസ്കത്ത്: വ്യാജ വാട്ട്സ്ആപ്പ് സന്ദേശങ്ങളെ കരുതിയിരിക്കണമെന്ന് ഒമാൻ സെൻട്രൽ ബാങ്ക് സ്വദേശികൾക്കും വിദേശികൾക്കും മുന്നറിയിപ്പ് നൽകി. ഒമാനിൽ പ്രവർത്തിക്കുന്ന ബാങ്കിലെ ജീവനക്കാരനെന്ന് പറഞ്ഞ് അയക്കുന്ന സന്ദേശത്തിലെ ലിങ്കുകളിൽ ഒരു കാരണവശാലും ക്ലിക്ക് ചെയ്യരുത്. ഇത്തരം മെസേജുകളോട് പ്രതികരിക്കരുത്. ഇതിൽ നൽകിയിരിക്കുന്ന ഹൈപ്പർ ലിങ്കിൽ ക്ലിക്ക് ചെയ്താൽ വ്യാജ വെബ്സൈറ്റിലാണ് എത്തുക.
ഒമാനിൽ പ്രവർത്തിക്കുന്ന ബാങ്കുകൾ ഉപഭോക്താക്കളെ ബന്ധപ്പെടാൻ സാമൂഹിക മാധ്യമ അക്കൗണ്ടുകൾ ഉപയോഗിക്കാറില്ലെന്നും സെൻട്രൽ ബാങ്ക് ഒാർമിപ്പിച്ചു. ടെലിഫോൺ വഴിയോ സാമൂഹിക മാധ്യമങ്ങൾ വഴിയോ ബന്ധപ്പെടുന്നവർക്ക് സ്വകാര്യ വിവരങ്ങളും ബാങ്ക് അക്കൗണ്ട് സംബന്ധമായ വിവരങ്ങളും നൽകരുതെന്നും സെൻട്രൽ ബാങ്ക് നിർദേശിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.