സുഹാർ: പ്രവാസലോകത്ത് ആദ്യമായി ഒരു വെബ് സീരീസ് പത്ത് എപ്പിസോഡ് പൂർത്തിയാക്കുന്നതിന്റെ ആഘോഷം നടന്നു. സുഹാറിലെ കോഴിക്കോടൻ മക്കാനി റസ്റ്റാറന്റ് ഹാളിൽ ‘എള്ളുണ്ട സൊറ 2023’ എന്ന പേരിൽ നടത്തിയ പരിപാടിയിൽ വിവിധ മേഖലകളിലെ കലാ സാംസ്കാരിക- സാമൂഹിക പ്രവർത്തകർ പങ്കെടുത്തു. സമൂഹത്തിൽ നടക്കുന്ന അരുതായ്മ ചൂണ്ടിക്കാണിച്ച് സൊറ രൂപത്തിൽ വിശകലനം ചെയ്യുന്നതാണ് എള്ളുണ്ടയുടെ ഇതിവൃത്തം.
റഫീഖ് പറമ്പത്ത് കഥയും തിരക്കഥയും സംവിധാനവും നിർവഹിക്കുന്ന എള്ളുണ്ടയുടെ നിർമാണം അറ്റ്ലസ് അൽ ജസീറ ഓട്ടോ സെന്റർ ആണ്. കാമറ പ്രണവ് ഐ മാജിക്. സംവിധാനസഹായി സാദിഖ് സാക്കു. മുഹമ്മദ് സഫീർ, സിറാജ് കാക്കൂർ, രാജൻ പള്ളിയത്ത്, ലിജിത്ത് കാവാലം, ശിവൻ അമ്പാട്ട് എന്നിവരാണ് അഭിനയിക്കുന്നവർ. ആഘോഷപരിപാടി സാംസ്കാരിക പ്രവർത്തകൻ തമ്പാൻ തളിപ്പറമ്പ് ഉദ്ഘാടനം ചെയ്തു.
മനോജ് ബദർ അൽസമ, രാജേഷ് ഖാബൂറ, മുഹമ്മദ് മാസ്റ്റർ, റാഷിദ് മക്കാനി, അനു നാരീഷ്, ലിൻസി, മുരളി കൃഷ്ണൻ, രമ്യ, മജീദ്, റിയാസ് വലിയകത്ത്, സുഹൈൽ, ജോസ് എന്നിവർ സംസാരിച്ചു. രാജൻ പള്ളിയത്ത് അധ്യക്ഷത വഹിച്ചു. മുഹമ്മദ് സഫീർ സ്വാഗതവും സിറാജ് കാക്കൂർ നന്ദിയും പറഞ്ഞു. കലാകാരന്മാർക്കും അണിയറപ്രവർത്തകർക്കും മെമന്റോ വിതരണവും പത്താം എപ്പിസോഡിന്റെ പ്രതീകമായ കേക്ക് മുറിയും നടന്നു. ഉണ്ണിരാജ് മിമിക്രിയും സജീഷ്, ലിജിത്ത്, സിറാജ് തലശ്ശേരി, രാജൻ പള്ളിയത്ത്, ശിവൻ അമ്പാട്ട് എന്നിവർ ഗാനങ്ങളും അവതരിപ്പിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.