നാ​ട്ടി​ലെ ല​ഹ​രി ഉ​പ​യോ​ഗം; പ്ര​വാ​സി ര​ക്ഷി​താ​ക്ക​ൾ ആ​ശ​ങ്ക​യി​ലാണ്​

നാ​ട്ടി​ലെ ല​ഹ​രി ഉ​പ​യോ​ഗം കൂ​ടു​ക​യും അ​തി​ന്റെ പി​ടി​യി​ൽ​പെ​ട്ട് അ​ക്ര​മ സം​ഭ​വ​ങ്ങ​ൾ വ​ർ​ധി​ക്കു​ക​യും ചെ​യ്യു​ന്ന വാ​ര്‍ത്ത​ക​ള്‍ അ​ധി​ക​രി​ക്കു​മ്പോ​ള്‍ പ്ര​വാ​സി ര​ക്ഷി​താ​ക്ക​ളി​ല്‍ ആ​ശ​ങ്ക വ​ര്‍ധി​ക്കു​ന്നു. നാ​ടും വീ​ടും വി​ട്ട് കു​ടും​ബാം​ഗ​ങ്ങ​ള്‍ നാ​ട്ടി​ലും ര​ക്ഷി​താ​ക്ക​ള്‍ പ്ര​വാ​സ​ലോ​ക​ത്തും ക​ഴി​യു​ന്ന ര​ക്ഷി​താ​ക്ക​ള്‍ക്കാ​ണ് ആ​ധി​യേ​റെ.​പു​തി​യ ത​ല​മു​റ അ​പ​ക​ട​ക​ര​മാ​യ വ​ഴി​ക​ളി​ലേ​ക്ക് വ​ഴു​തി വീ​ഴു​മോ എ​ന്ന ഭ​യം അ​വ​രു​ടെ മ​ന​സ്സി​ൽ തീ ​ക​ന​ല്‍ കോ​രി​യി​ടു​ന്നു.

രാ​ത്രി​യി​ലും നേ​രം പു​ല​രും വ​രെ​യും പ്രാ​യ​പൂ​ർ​ത്തി​യാ​കാ​ത്ത മ​ക്ക​ൾ ട​റ​ഫു​ക​ളി​ല്‍ ഫു​ട്ബാ​ൾ ക​ളി​ക്കു​ന്ന​തും ത​ട്ടു​ക​ട​ക​ളി​ൽ ഭ​ക്ഷ​ണം തേ​ടി​പ്പോ​കു​ന്ന​തും ക​ണ്ടാ​ൽ ഇ​തൊ​രു പ്ര​ശ്‌​ന​മാ​യി കാ​ണാ​തി​രി​ക്കാ​ൻ ക​ഴി​യി​ല്ല. ആ ​നേ​ര​ങ്ങ​ളി​ലും സ​ന്ദ​ര്‍ഭ​ങ്ങ​ളി​ലു​മാ​ണ് കു​ട്ടി​ക​ളെ വ​ല​വീ​ശാ​ന്‍ മ​യ​ക്കു​മ​രു​ന്ന് മാ​ഫി​യക​ള്‍ ത​ക്കം പാ​ർ​ത്ത് ക​ഴി​യു​ന്ന​ത്. രാ​വേ​റെ ചെ​ല്ലും വ​രെ​യു​ള്ള ട​ര്‍ഫ് സം​സ്കാ​ര പ്ര​വ​ണ​ത​ക​ള്‍ കൗ​മാ​ര​ക്കാ​രി​ല്‍ ഒ​രു ഹ​ര​മാ​ണി​പ്പോ​ള്‍. ഇ​ങ്ങ​നെ​യു​ള്ള സാ​ഹ​ച​ര്യ​ങ്ങ​ളി​ലാ​ണ് ചെ​ന്നാ​യ​യെ പോ​ലെ ന​മ്മു​ടെ മ​ക്ക​ളെ ല​ഹ​രി​യു​ടെ ലോ​ക​ത്തേ​ക്ക് വ​ല​വീ​ശി പി​ടി​ക്കാ​ൻ കാ​ത്തു നി​ൽ​ക്കു​ന്ന പ​ല​രു​ടെ​യും കെ​ണി​ക​ളി​ൽ അ​ക​പ്പെ​ടു​ന്ന​ത്.​

കു​ട്ടി​ക​ൾ ഇ​ത്ത​രം സാ​ഹ​ച​ര്യ​ങ്ങ​ളി​ൽ എ​ളു​പ്പ​ത്തി​ൽ തെ​റ്റാ​യ വ​ഴി​ക​ളി​ലേ​ക്ക് പോ​വാ​ൻ സാ​ധ്യ​ത​യു​ള്ള​തി​നാ​ൽ ഇ​തി​നെ നി​യ​ന്ത്രി​ക്കേ​ണ്ട​ത് അ​നി​വാ​ര്യ​മാ​ണ്.18 വ​യ​സ്സി​ന് താ​ഴെ​യു​ള്ള കു​ട്ടി​ക​ൾ​ക്ക് രാ​ത്രി സ​മ​യ​ത്ത് ട​ർ​ഫി​ൽ പ്ര​വേ​ശ​നം നി​യ​ന്ത്രി​ക്കു​ന്ന​തി​നു ജി​ല്ല​ത​ല​ത്തി​ൽ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്നും ല​ഹ​രി ഉ​പ​യോ​ഗ​ത്തി​നെ​തി​രെ ശ​ക്ത​മാ​യ ക​ർ​ശ​ന​നി​യ​ന്ത്ര​ണം ഏ​ർ​പ്പെ​ടു​ത്ത​ണ​മെ​ന്നും പ്ര​വാ​സി ര​ക്ഷി​താ​ക്ക​ൾ ആ​വ​ശ്യ​പ്പെ​ടു​ന്നു. യു​വാ​ക്ക​ൾ സു​ര​ക്ഷി​ത​മാ​യ പ​രി​സ​ര​ത്തി​ൽ വ​ള​രു​ന്ന​തി​നും സ​മൂ​ഹ​ത്തി​ൽ സം​വേ​ദ​നാ​ത്മ​ക​മാ​യ മാ​റ്റ​ങ്ങ​ൾ വ​രു​ത്തു​ന്ന​തി​നും ബ​ന്ധ​പ്പെ​ട്ട അ​ധി​കാ​രി​ക​ൾ കൂ​ടു​ത​ൽ ശ്ര​ദ്ധി​ക്കേ​ണ്ട സ​മ​യ​മാ​ണി​ത്.