കോവിഡ് ഫീൽഡ് ആശുപത്രിയിലേക്ക് രോഗികളെ എത്തിക്കുന്നു
മസ്കത്ത്: കോവിഡ് ഫീൽഡ് ആശുപത്രിയിൽ രോഗികളെ പ്രവേശിപ്പിച്ചു. ചൊവ്വാഴ്ച ആദ്യ സംഘം രോഗികളെ ആശുപത്രിയിൽ എത്തിച്ചതായി ആരോഗ്യവകുപ്പ് അറിയിച്ചു. പഴയ മസ്കത്ത് വിമാനത്താവളത്തിലാണ് ഫീൽഡ് ആശുപത്രി ഒരുക്കിയത്. ആദ്യ ഘട്ടമാണ് കഴിഞ്ഞ ദിവസം ഉദ്ഘാടനം ചെയ്തത്. ഇപ്പോൾ 100 കിടക്കകളാണ് ഉള്ളത്. അടുത്ത ഘട്ടങ്ങളിലായി ഇത് 312 കിടക്കകൾ വരെയായി ഉയർത്തും. ആശുപത്രികളിലെ രോഗികളുടെ ആധിക്യം കുറക്കാൻ ഫീൽഡ് ആശുപത്രി വഴി സാധിക്കുമെന്നാണ് പ്രതീക്ഷിക്കുന്നത്. ഇടത്തരം ലക്ഷണങ്ങൾ വരെയുള്ളവരെയാണ് ഫീൽഡ് ആശുപത്രിയിലേക്ക് മാറ്റുക. ഇതുവഴി മറ്റ് ആശുപത്രികളിൽ കോവിഡ് മൂലം മുടങ്ങിക്കിടക്കുന്ന വിവിധ സേവനങ്ങൾ പുനരാരംഭിക്കാൻ സാധിക്കുമെന്നും പ്രതീക്ഷിക്കപ്പെടുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.