മു​ന്തി​രി ഉ​ൽ​പാ​ദ​നം വ​ർ​ധി​പ്പി​ക്കാ​ൻ നി​ർ​മി​ത ബു​ദ്ധി​യും സ്മാ​ർ​ട്ട് ഫാ​മി​ങ്ങും

മ​സ്ക​ത്ത്: രാ​ജ്യ​ത്തെ മു​ന്തി​രി ഉ​ൽ​പാ​ദ​നം വ​ർ​ധി​പ്പി​ക്കാ​ൻ നി​ർ​മി​ത ബു​ദ്ധി​യും സ്മാ​ർ​ട്ട് ഫാ​മി​ങ് രീ​തി​ക​ളും സ്വീ​ക​രി​ക്കാ​ൻ ആ​ഹ്വാ​നം. വ​ട​ക്ക​ൻ ശ​ർ​ഖി​യ​യി​ലെ മു​ദൈ​ബി​യ​യി​ൽ ന​ട​ക്കു​ന്ന മു​ന്തി​രി ഉ​ത്സ​വ​ത്തോ​ട​നു​ബ​ന്ധി​ച്ചു​ള്ള ഒ​രു പ്ര​ത്യേ​ക അ​ക്കാ​ദ​മി​ക് സെ​ഷ​നി​ലാ​ണ് ഇ​ത് സം​ബ​ന്ധി​ച്ച ച​ർ​ച്ച​ക​ൾ ന​ട​ന്ന​ത്. ക​ർ​ഷ​ക​രെ വി​ശാ​ല​മാ​യ വി​പ​ണി​ക​ളി​ൽ എ​ത്തി​ക്കാ​ൻ സ​ഹാ​യി​ക്കു​ന്ന​തി​ന് ഇ-​മാ​ർ​ക്ക​റ്റി​ങ​ള പ്ലാ​റ്റ്‌​ഫോ​മു​ക​ൾ സൃ​ഷ്ടി​ക്കാ​നും ശി​പാ​ർ​ശ ചെ​യ്തു. മു​ന്തി​രി കൃ​ഷി ശ​ക്തി​പ്പെ​ടു​ത്തു​ന്ന​തി​നും കാ​ർ​ഷി​ക മേ​ഖ​ല​യെ മു​ന്നോ​ട്ട് കൊ​ണ്ടു​പോ​കു​ന്ന​തി​നും ല​ക്ഷ്യ​മി​ട്ടു​ള്ള നി​ര​വ​ധി ശി​പാ​ർ​ശ​ക​ൾ പ​രി​പാ​ടി​ക​ളി​ൽ ഉ​ദ്യോ​ഗ​സ്ഥ​ർ മു​ന്നോ​ട്ടു​വെ​ച്ചു. കൃ​ഷി, മ​ത്സ്യ​ബ​ന്ധ​നം, ജ​ല​വി​ഭ​വ മ​ന്ത്രാ​ല​യ​ത്തി​ലെ വി​ദ​ഗ്ധ​രും അ​ക്കാ​ദ​മി​ക് വി​ദ​ഗ്ധ​രും മ​റ്റു സ​ർ​ക്കാ​ർ സ്ഥാ​പ​ന​ങ്ങ​ളി​ൽ​നി​ന്നു​ള്ള പ്ര​തി​നി​ധി​ക​ളും സെ​ഷ​നി​ൽ പ​​ങ്കെ​ടു​ത്തു.

മ​ത്സ​രാ​ധി​ഷ്ഠി​ത നേ​ട്ട​മു​ള്ള പ്ര​ദേ​ശ​ങ്ങ​ളി​ൽ മു​ന്തി​രി കൃ​ഷി​ക്കാ​യി ആ​ദ്യ ഘ​ട്ട​ത്തി​ൽ കു​റ​ഞ്ഞ​ത് 100 ഏ​ക്ക​ർ നി​ക്ഷേ​പ ഭൂ​മി അ​നു​വ​ദി​ക്കു​ന്ന​തും നി​ർ​ദേ​ശ​ങ്ങ​ളി​ൽ ഉ​ൾ​പ്പെ​ടു​ന്നു. ഒ​മാ​നി കാ​ർ​ഷി​ക ഉ​ൽ​പ്പ​ന്ന​ങ്ങ​ൾ​ക്ക് ധ​ന​സ​ഹാ​യം ന​ൽ​കു​ന്ന​തി​ലും പ്രോ​ത്സാ​ഹി​പ്പി​ക്കു​ന്ന​തി​ലും സ്വ​കാ​ര്യ മേ​ഖ​ല വ​ലി​യ പ​ങ്കു വ​ഹി​ക്കാ​ൻ പ്രോ​ത്സാ​ഹി​പ്പി​ച്ചു​കൊ​ണ്ടു​ള്ള പ്ര​ബ​ന്ധ​ങ്ങ​ളും പ​രി​പാ​ടി​യി​ൽ അ​വ​ത​രി​പ്പി​ക്കു​ക​യു​ണ്ടാ​യി. മു​ന്തി​രി ഇ​ന​ങ്ങ​ൾ മെ​ച്ച​പ്പെ​ടു​ത്ത​ൽ, കൊ​യ്ത്ത്, വി​ള​വെ​ടു​പ്പ് രീ​തി​ക​ൾ, നി​ക്ഷേ​പം, വി​പ​ണ​നം, സാ​ങ്കേ​തി​ക​വി​ദ്യ ഉ​പ​യോ​ഗം തു​ട​ങ്ങി​യ വി​ഷ​യ​ങ്ങ​ൾ ഉ​ൾ​ക്കൊ​ള്ളു​ന്ന പ​രി​പാ​ടി ഫെ​സ്റ്റി​വ​ലി​ന്റെ ഒ​രു പ്ര​ധാ​ന ഫ​ല​മാ​ണെ​ന്ന് വ​ട​ക്ക​ൻ ശ​ർ​ഖി​യ​യി​ലെ കാ​ർ​ഷി​ക മ​ത്സ്യ​ബ​ന്ധ​ന, ജ​ല​വി​ഭ​വ ഡ​യ​റ​ക്ട​ർ ജ​ന​റ​ൽ ഡോ. ​അ​ബ്ദു​ൽ അ​സീ​സ് ബി​ൻ അ​ലി അ​ൽ മ​ഷി​ഖി പ​റ​ഞ്ഞു.

മ​ന്ത്രാ​ല​യ​ത്തി​ന്റെ നി​ക്ഷേ​പ അ​വ​സ​ര​ങ്ങ​ൾ,ഡെവ​ലെ​പ്മെ​ന്റ് ബാ​ങ്ക് ല​ഭ്യ​മാ​യ ഫ​ണ്ടി​ങ് ഓ​പ്ഷ​നു​ക​ൾ, ഒ​മാ​ൻ കാ​ർ​ഷി​ക വി​ക​സ​ന ക​മ്പ​നി മാ​ർ​ക്ക​റ്റി​ങ് സേ​വ​ന​ങ്ങ​ൾ, ഒ​മാ​നി കാ​ർ​ഷി​ക സൊ​സൈ​റ്റി​യു​ടെ വ​ട​ക്ക​ൻ ശ​ർ​ഖി​യ ബ്രാ​ഞ്ച് സ്മാ​ർ​ട്ട് കൃ​ഷി​യും ഭാ​വി പ​ദ്ധ​തി​ക​ളും എ​ന്നി​വ​യും വി​ശ​ദീ​ക​രി​ച്ചു. മു​ന്തി​രി കൃ​ഷി ചെ​യ്യു​ന്ന നി​ല​വി​ലു​ള്ള സ്ഥ​ല​ത്തേ​ക്ക് 100 ഏ​ക്ക​ർ കൂ​ടി കൂ​ട്ടി​ച്ചേ​ർ​ത്ത് ‘മോ​ഡ​ൽ ഫാം​സ്’ എ​ന്ന പ​ദ്ധ​തി​ക്കും മേ​ള തു​ട​ക്കം​കു​റി​ച്ചു. ഇ​പ്പോ​ൾ മൊ​ത്തം വി​സ്തീ​ർ​ണം 127 ഏ​ക്ക​റാ​യി, 635 ട​ൺ ഉ​ൽ​പാ​ദ​നം പ്ര​തീ​ക്ഷി​ക്കു​ന്നു. പ​ത്ത് ല​ക്ഷം റി​യാ​ലി​ല​ധി​കം സാ​മ്പ​ത്തി​ക വ​രു​മാ​ന​വും പ്ര​തീ​ക്ഷി​ക്കു​ന്നു. ഒ​മാ​നി മു​ന്തി​രി​യു​ടെ ഗു​ണ​നി​ല​വാ​രം, ഷെ​ൽ​ഫ് ലൈ​ഫ്, വി​പ​ണി മ​ത്സ​ര​ക്ഷ​മ​ത എ​ന്നി​വ മെ​ച്ച​പ്പെ​ടു​ത്തു​ന്ന​തി​നാ​യി ആ​റ് പു​തി​യ അ​ന്താ​രാ​ഷ്ട്ര മു​ന്തി​രി ഇ​ന​ങ്ങ​ളും അ​വ​ത​രി​പ്പി​ച്ചു.