മസ്കത്ത്: ബഹ്റൈന് എയര്ഷോയില് പങ്കെടുത്ത് മടങ്ങും വഴി പൂര്ണമായും ഇന്ത്യയില് നിര്മിച്ച ലഘുപോര്വിമാനമായ ‘തേജസ്’ മസ്കത്തില് ഇറങ്ങി. ഇന്ത്യന് സംഘത്തെ ഒമാനിലെ ഇന്ത്യന് അംബാസഡര് ഇന്ദ്രമണി പാണ്ഡെയുടെ നേതൃത്വത്തില് സ്വീകരിച്ചു. ‘ഇന്ത്യക്കാര്ക്ക് അഭിമാനിക്കാന് വക നല്കുന്നു ഈ വിമാനങ്ങള്’ എന്ന് ‘തേജസി’ന്െറ കോക്പിറ്റില് കയറി ഫോട്ടോയെടുത്ത അംബാസഡര് ഫേസ്ബുക്കില് കുറിച്ചു. സഖീര് എയര്ബേസില് നടന്ന ബഹ്റൈന് എയര്ഷോയില് രണ്ട് ‘തേജസ്’ വിമാനങ്ങളാണ് പങ്കെടുത്തത്. ഇന്ത്യക്ക് പുറത്തൊരു എയര്ഷോയില് ആദ്യമായാണ് ‘തേജസ്’ പങ്കെടുക്കുന്നത്. ഇന്ത്യന് എയര്ഫോഴ്സിന്െറ സാരംഗ് ടീമിന്െറ ധ്രുവ് ഹെലികോപ്ടറുകളുടെ പ്രകടനങ്ങളും എയര്ഷോയില് ഉണ്ടായിരുന്നു. ഇന്ത്യ പുതുതായി വികസിപ്പിച്ച സെന്സറുകളും വാര്ത്താവിനിമയ ഉപകരണങ്ങളും നാഗ്, ആകാശ് മിസൈലുകളും ഡി.ആര്.ഡി.ഒ സ്റ്റാളില് പ്രദര്ശിപ്പിച്ചിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.