ഇ​റാ​നി​ൽ​നി​ന്ന് 195 ഒ​മാ​നി പൗ​ര​ന്മാ​ർ​കൂ​ടി തി​രി​ച്ചെ​ത്തി

മ​സ്ക​ത്ത്: ഇ​റാ​നി​ൽ​നി​ന്ന് സു​ര​ക്ഷി​ത​മാ​യി 195 ഒ​മാ​നി പൗ​ര​ന്മാ​രു​കൂ​ടി തി​രി​ച്ചെ​ത്തി​ച്ച​താ​യി വ​ദേ​ശ​കാ​ര്യ മ​ന്ത്രാ​ല​യം അ​റി​യി​ച്ചു.ഒ​ഴി​പ്പി​ക്ക​ൽ പ​ദ്ധ​തി​യു​ടെ മൂ​ന്നാം ഘ​ട്ട​ത്തി​ന്റെ ഭാ​ഗ​മാ​യി ഇ​റാ​നി​ലെ ബ​ന്ദ​ർ അ​ബ്ബാ​സി​ൽ​നി​ന്ന് ഖ​സ​ബ് തു​റ​മു​ഖ​ത്തേ​ക്കാ​ണ് ഇ​വ​രെ കൊ​ണ്ടു​വ​ന്ന​ത്.

ഒ​മാ​നി അ​ധി​കാ​രി​ക​ളും ന​യ​ത​ന്ത്ര ദൗ​ത്യ​ങ്ങ​ളും ത​മ്മി​ലു​ള്ള അ​ടു​ത്ത ഏ​കോ​പ​ന​ത്തോ​ടെ ന​ട​ത്തി​യ ഈ ​ഓ​പ​റേ​ഷ​ൻ, നി​ല​വി​ലെ പ്രാ​ദേ​ശി​ക സാ​ഹ​ച​ര്യ​ങ്ങ​ളി​ൽ ഒ​മാ​ൻ വ​ഴി ക​ട​ന്നു​പോ​കാ​ൻ അ​നു​വ​ദി​ച്ച മ​റ്റ് രാ​ജ്യ​ങ്ങ​ളി​ലെ 158 പൗ​ര​ന്മാ​ർ​ക്ക് മാ​നു​ഷി​ക പി​ന്തു​ണ​യും ന​ൽ​കി. ബ​ന്ധ​പ്പെ​ട്ട ഏ​ജ​ൻ​സി​ക​ളു​മാ​യും ബാ​ഗ്ദാ​ദി​ലെ ഒ​മാ​നി എം​ബ​സി​യു​മാ​യും സ​ഹ​ക​രി​ച്ച്, 155 ഒ​മാ​നി പൗ​ര​ന്മാ​രെ​യും നി​ര​വ​ധി വി​ദേ​ശ പൗ​ര​ന്മാ​രെ​യും ഇ​റാ​ഖി​ൽ​നി​ന്ന് ഒ​മാ​നി​ലേ​ക്കു​ള്ള വി​മാ​ന​ത്തി​ൽ എ​ത്തി​ക്കു​ക​യും ചെ​യ്തു.

എ​ല്ലാ ഒ​മാ​നി​ക​ളു​ടെ​യും സു​ര​ക്ഷി​ത​മാ​യ തി​രി​ച്ചു​വ​ര​വ് ഉ​റ​പ്പാ​ക്കാ​ൻ ല​ക്ഷ്യ​മി​ട്ടു​ള്ള ഒ​ഴി​പ്പി​ക്ക​ൽ പ​ദ്ധ​തി​യു​ടെ ശേ​ഷി​ക്കു​ന്ന ഘ​ട്ട​ങ്ങ​ൾ പൂ​ർ​ത്തി​യാ​ക്കു​ന്ന​തി​ന് വി​ദേ​ശ എം​ബ​സി​ക​ളു​മാ​യി സ​ഹ​ക​രി​ച്ച് പ്ര​വ​ർ​ത്തി​ക്കു​ന്ന​ത് തു​ട​രു​മെ​ന്ന് വി​ദേ​ശ​കാ​ര്യ മ​ന്ത്രാ​ല​യം വ്യ​ക്ത​മാ​ക്കി.