കുവൈത്ത് സിറ്റി: മഴ ഒഴിഞ്ഞുനിന്നതോടെ രാജ്യം മിതമായ കാലാവസ്ഥയിലേക്ക്. കഠിനമല്ലാത്ത തണുപ്പും ചൂടും നിറഞ്ഞ കാലാവസ്ഥയിലൂടെയാണ് രാജ്യം കടന്നുപോകുന്നതെന്ന് നിരീക്ഷകർ അറിയിച്ചു. പകൽ സമയം താപനില ശരാശരി 18-20 ഡിഗ്രി സെൽഷ്യസും, രാത്രിയിൽ 8-11 ഡിഗ്രി സെൽഷ്യസുമാണ് ഇപ്പോൾ അനുഭവപ്പെടുന്നത്. രാത്രിയിൽ, താപനില കുറയുന്നത് തണുപ്പ് കൂട്ടുന്നുണ്ട്. ംചില പ്രദേശങ്ങളിൽ രാത്രി മൂടൽമഞ്ഞും സൃഷ്ടിക്കുന്നുണ്ട്.
വെള്ളിയാഴ്ചയിലെ ഉയർന്ന താപനില 18-20 ഡിഗ്രി സെൽഷ്യസായിരുന്നു. രാത്രി കുറഞ്ഞ താപനില 7-10 ഡിഗ്രി സെൽഷ്യസിലേക്ക് താഴുകയും നേരിയ കാറ്റ് വീശുകയുംചെയ്തു. ചില പ്രദേശങ്ങളിൽ മൂടൽമഞ്ഞും ദൃശ്യമായി. ശനിയാഴ്ചയിലെ ഉയർന്ന താപനില 18-20 ഡിഗ്രി സെൽഷ്യസായിരിക്കുമെന്നും അധികൃതർ അറിയിച്ചു.
മണിക്കൂറിൽ 6-22 കിലോമീറ്റർ വേഗതയിൽ കാറ്റിന് സാധ്യതയുണ്ട്. പകൽ സമയത്ത് ചിതറിക്കിടക്കുന്ന മേഘങ്ങൾ ദൃശ്യമാകാം. രാത്രി 8-11 ഡിഗ്രി സെൽഷ്യസ് കുറഞ്ഞ താപനിലയും, കാറ്റും ഉണ്ടാകും. അന്തരീക്ഷം തണുപ്പായിരിക്കുമെന്ന് പ്രതീക്ഷിക്കുന്നു. കടലും ശാന്തമായിരിക്കും. മൂടൽമഞ്ഞിനും സാധ്യതയുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.