പൊതുമരാമത്ത് മന്ത്രി ഡോ.നൂറ അൽ മഷാൻ ഒമാനിലെ ദുഖം തുറമുഖം സന്ദർശനത്തിൽ
ഗതാഗത, ലോജിസ്റ്റിക്സ് സേവനം; ഒമാനുമായി സഹകരണം ശക്തിപ്പെടുത്താൻ കുവൈത്ത്
കുവൈത്ത് സിറ്റി: ഗതാഗത, ലോജിസ്റ്റിക്സ് സേവന മേഖലകളിൽ ഒമാനിലെ ദുഖം തുറമുഖത്തെ സഹകരണം ശക്തിപ്പെടുത്താൻ കുവൈത്ത്. ഇതുമായി ബന്ധപ്പെട്ട് കുവൈത്ത് പൊതുമരാമത്ത് മന്ത്രി ഡോ.നൂറ അൽ മഷാൻ ഒമാനിലെ ദുഖം തുറമുഖം സന്ദർശിച്ചു.
ഒമാൻ ഗതാഗത-വാർത്താവിനിമയ-വിവരസാങ്കേതികവിദ്യാ മന്ത്രി സഈദ് അൽ മാവലി ഡോ.നൂറ അൽ മഷാനെ സ്വീകരിച്ചു. ഒമാനിലെ കുവൈത്ത് അംബാസഡർ ഡോ. മുഹമ്മദ് അൽ ഹജേരി, ഒമാൻ ഗതാഗത വകുപ്പ് അണ്ടർ സെക്രട്ടറി ഖാമിസ് അൽ ഷമഖി എന്നിവരും സംഘത്തിലുണ്ടായിരുന്നു.
വാണിജ്യ-വിതരണത്തെ പിന്തുണക്കുന്നതിനായി തുറമുഖം ഒരുക്കിയിട്ടുള്ള സൗകര്യങ്ങൾ, അടിസ്ഥാന സൗകര്യങ്ങൾ എന്നിവ അധികൃതർ മന്ത്രിയെയും പ്രതിനിധി സംഘത്തെയും ധരിപ്പിച്ചു. ഗതാഗത-ലോജിസ്റ്റിക്സ് സേവന മേഖലയിൽ കുവൈത്തും ഒമാനും തമ്മിലുള്ള സംയുക്ത സഹകരണം ശക്തിപ്പെടുത്തുന്നതിനും ലോജിസ്റ്റിക്സ് ഏകോപനം മെച്ചപ്പെടുത്തൽ, ഇരുപക്ഷവും തമ്മിലുള്ള സഹകരണ മേഖലകളെക്കുറിച്ചുമുള്ള ചർച്ച എന്നിവയും നടന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.