കുവൈത്ത് സിറ്റി: വിശ്വകർമ ഓർഗനൈസേഷൻ ഫോർ ഐഡിയൽ കരിയർ ആൻഡ് എജുക്കേഷൻ (വോയ്സ് കു വൈത്ത്) വനിതവേദിയുടെ ‘ഓണോത്സവം - 2019’െൻറ ഫ്ലയർ പ്രകാശനം ചെയ്തു. അബ്ബാസിയ സക്സസ് ലൈൻ ഹാ ളിൽ നടന്ന ചടങ്ങിൽ വനിതവേദി പ്രസിഡൻറ് ഉഷാലക്ഷ്മി വനിതവേദി സമിതി അംഗം ലതിക ദിലീപ് കുമാറിന് നൽകിയാണ് പ്രകാശനം നിർവഹിച്ചത്. വോയ്സ് കുവൈത്ത് കേന്ദ്ര പ്രസിഡൻറ് ഷനിൽ വെങ്ങളത്ത് അധ്യക്ഷത വഹിച്ചു.
27ന് അബ്ബാസിയ പ്രവാസി ഓഡിറ്റോറിയത്തിൽ രാവിലെ ഒമ്പതിന് തുടങ്ങുന്ന ഓണോത്സവത്തിൽ അത്തപ്പൂക്കള മത്സരം, മഹാബലി എഴുന്നള്ളത്ത്, പുലികളി, ഓണപ്പാട്ടുകൾ, തിരുവാതിരകളി, നൃത്തനൃത്യങ്ങൾ, വോയ്സ് കുവൈത്ത് അംഗങ്ങൾ അവതരിപ്പിക്കുന്ന ഗാനമേള, പൊലിക നാടൻപാട്ട്, കൂട്ടം കുവൈത്ത് അവതരിപ്പിക്കുന്ന സീസൺ -3 മേലേരി തുടങ്ങിയ വിവിധയിനം കലാപരിപാടികളും വിഭവസമൃദ്ധമായ ഓണസദ്യയും ഉണ്ടാകും. ജനറൽ സെക്രട്ടറി മനീഷ് കൈലാസ് സ്വാഗതവും ട്രഷറർ ജോയ് നന്ദനം നന്ദിയും
പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.