കുവൈത്ത് സിറ്റി: തുർക്കി പ്രസിഡൻറ് റജബ് ത്വയ്യിബ് ഉർദുഗാൻ ഔദ്യോഗിക സന്ദർശനത്തിനായി വീണ്ടും കുവൈത്തിലെത്തുന്നു. വ്യവസായ-വാണിജ്യമന്ത്രി ഖാലിദ് അൽ റൗദാനുമായുള്ള ചർച്ചകൾക്ക് ശേഷം തുർക്കി ഉപപ്രധാനമന്ത്രി മുഹിമ്മത്ത് ശംസക്ക് മാധ്യമപ്രവർത്തകരോട് വെളിപ്പെടുത്തിയതാണ് ഇക്കാര്യം.
പത്താമത് കുവൈത്ത്--തുർക്കി മന്ത്രിതല സന്ദർശനത്തിെൻറ ഭാഗമായി കഴിഞ്ഞ ദിവസമാണ് മുഹിമ്മത്ത് ശംസക്ക് രാജ്യത്തെത്തിയത്. സാമ്പത്തിക സഹകരണം വിപുലപ്പെടുത്തുന്നതിനുവേണ്ടിയുള്ള മന്ത്രിതല യോഗം വിജയമായിരുന്നുവെന്ന് അദ്ദേഹം അഭിപ്രായപ്പെട്ടു. ഖത്തറുമായി ബന്ധപ്പെട്ട ജി.സി.സി പ്രതിസന്ധി പരിഹരിക്കുന്നതിനുവേണ്ടിയുള്ള ചർച്ചകൾക്കായി രണ്ടു മാസം മുമ്പ് ഉർദുഗാൻ കുവൈത്തിലെത്തിയിരുന്നു. ഇതുൾപ്പെടെ മേഖലയിലെ സംഭവവികാസങ്ങൾ ഉർദുഗാൻ അമീറുമായി ചർച്ച ചെയ്യുമെന്ന് കരുതുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.