കുവൈത്ത് സിറ്റി: രാജ്യത്ത് വാഹന പരിശോധന കർശനമാക്കി ട്രാഫിക് പൊലീസ്. ഒരാഴ്ചക്കിടെ നടന്ന പരിശോധനയില്‍ ആറ് ഗവർണറേറ്റുകളിൽ നിന്നായി 30,426 ട്രാഫിക് നിയമലംഘനങ്ങൾ കണ്ടെത്തി. ലൈസൻസില്ലാതെ വാഹനമോടിച്ചതിന് പ്രായപൂര്‍ത്തിയാകാത്ത 47 പേരെ കസ്റ്റഡിയിലെടുത്തു.ആഭ്യന്തര മന്ത്രാലയത്തിലെ വിവിധ ഡിപ്പാർട്മെന്റുകളുടെയും മറ്റ് സര്‍ക്കാര്‍ വകുപ്പുകളുടെയും സഹകരണത്തോടെയാണ് പരിശോധന സംഘടിപ്പിച്ചത്.
നിയമലംഘനം നടത്തിയ 84 വാഹനങ്ങളും 15 മോട്ടോർ സൈക്കിളുകളും സുരക്ഷ കാമ്പയിനില്‍ പിടിച്ചെടുത്തിട്ടുണ്ട്. പൊതുസുരക്ഷ വിഭാഗം നടത്തിയ പരിശോധനയിൽ വിസ കാലാവധി കഴിഞ്ഞ നിരവധി പേരെയും അറസ്റ്റ് ചെയ്തതായി അധികൃതര്‍ വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.