ത്യാ​ഗ​സ്​​മ​ര​ണ​യി​ൽ ഇ​ന്ന്​ ബ​ലി​പെ​രു​ന്നാ​ൾ

കു​വൈ​ത്ത്​ സി​റ്റി: 4000 വ​ർ​ഷ​ങ്ങ​ൾ​ക്കു​മു​മ്പ് ദൈ​വ​ത്തി​ന്റെ പ്ര​വാ​ച​ക​നാ​യി നി​യോ​ഗി​ത​നാ​യ ഇ​ബ്റാ​ഹീ​മി​ന്റെ​യും കു​ടും​ബ​ത്തി​ന്റെ​യും ത്യാ​ഗോ​ജ്ജ്വ​ല​മാ​യ ജീ​വി​ത​ത്തി​ന്റെ സ്​​മ​ര​ണ പു​തു​ക്കി സ്വ​ദേ​ശി​ക​ളും വി​ദേ​ശി​ക​ളു​മു​ൾ​പ്പെ​ടെ രാ​ജ്യ​നി​വാ​സി​ക​ൾ ശ​നി​യാ​ഴ്​​ച ബ​ലി​പെ​രു​ന്നാ​ൾ ആ​ഘോ​ഷി​ക്കും.

ക​ഴി​ഞ്ഞ ര​ണ്ടു​വ​ർ​ഷ​ങ്ങ​ളി​ൽ ബ​ലി​പെ​രു​ന്നാ​ൾ സ​മ​യ​ത്ത് ​കോ​വി​ഡി​ന്റെ പി​രി​മു​റു​ക്ക​ത്തി​ൽ പൊ​ലി​മ​യി​ല്ലാ​യി​രു​ന്നു. അ​തി​ന് മു​മ്പ​ത്തെ വ​ർ​ഷം നാ​ട്ടി​ൽ പ്ര​ള​യം ദു​രി​തം വി​ത​ച്ച പ​ശ്ചാ​ത്ത​ല​ത്തി​ൽ പ്ര​വാ​സി മ​ല​യാ​ളി​ക​ളു​ടെ പെ​രു​ന്നാ​ൾ ആ​ഘോ​ഷ​ത്തി​ന്​ പൊ​ലി​മ കു​റ​വാ​യി​രു​ന്നു.

ഇ​ത്ത​വ​ണ നി​യ​​ന്ത്ര​ണ​ങ്ങ​ളും പി​രി​മു​റു​ക്ക​വും ഇ​ല്ലാ​ത്ത സ​ന്തോ​ഷാ​വ​സ്ഥ​യാ​ണു​ള്ള​ത്. സ്റ്റേ​ഡി​യ​ങ്ങ​ളും യൂ​ത്ത് സെ​ന്റ​റു​ക​ളും ഉ​ൾ​പ്പെ​ടെ 46 കേ​ന്ദ്ര​ങ്ങ​ളി​ൽ ഈ​ദ്ഗാ​ഹ് ന​ട​ക്കു​മെ​ന്ന് ഔ​ഖാ​ഫ് മ​ന്ത്രാ​ല​യം അ​റി​യി​ച്ചി​ട്ടു​ണ്ട്.

കാ​യി​ക യു​വ​ജ​ന അ​തോ​റി​റ്റി​ക്ക് കീ​ഴി​ലെ യൂ​ത്ത് സെ​ന്റ​റു​ക​ൾ, സ്‌​റ്റേ​ഡി​യ​ങ്ങ​ൾ, പ​ള്ളി​ക​ളോ​ടു​ചേ​ർ​ന്ന മൈ​താ​ന​ങ്ങ​ൾ എ​ന്നി​വി​ട​ങ്ങ​ളി​ൽ ആ​ണ് പ്ര​ത്യേ​ക പ്രാ​ർ​ഥ​ന കേ​ന്ദ്ര​ങ്ങ​ൾ സ​ജ്ജീ​ക​രി​ക്കു​ന്ന​ത്. കാ​പി​റ്റ​ൽ, ഫ​ർ​വാ​നി​യ, അ​ഹ്മ​ദി ഗ​വ​ർ​ണ​റേ​റ്റു​ക​ളി​ൽ പ​ത്തു​വീ​ത​വും ജ​ഹ്‌​റ​യി​ലും ഹ​വ​ല്ലി​യി​ലും ആ​റു​വീ​ത​വും മു​ബാ​റ​ക് അ​ൽ ക​ബീ​ർ ഗ​വ​ർ​ണ​റേ​റ്റി​ൽ നാ​ലും സ്ഥ​ല​ങ്ങ​ളി​ൽ ഈ​ദ്ഗാ​ഹു​ക​ൾ ന​ട​ക്കും. 5.10നാ​ണ് ഔ​ഖാ​ഫ് പെ​രു​ന്നാ​ൾ ന​മ​സ്കാ​ര​ത്തി​ന് സ​മ​യം നി​ശ്ച​യി​ച്ചി​ട്ടു​ള്ള​ത്. മ​ല​യാ​ളം ഖു​തു​ബ ന​ട​ക്കു​ന്ന കേ​ര​ള ഇ​സ്​​ലാ​മി​ക്​ ഗ്രൂ​പ്പി​ന് കീ​ഴി​ലെ പ​ള്ളി​ക​ളി​ൽ 5.16നും ​കു​വൈ​ത്ത്​ കേ​ര​ള ഇ​സ്​​ലാ​ഹി സെൻറ​ർ, ഇ​ന്ത്യ​ൻ ഇ​സ്‍ലാ​ഹി സെ​ന്റ​ർ എ​ന്നി​വ​ക്ക് കീ​ഴി​ലെ പ​ള്ളി​ക​ളി​ൽ 5.12നും ​ആ​ണ് പെ​രു​ന്നാ​ൾ ന​മ​സ്കാ​രം.

സ്​​കൂ​ൾ അ​വ​ധി​ക്കാ​ലം ആ​യ​തി​നാ​ൽ ഒ​രു​വി​ഭാ​ഗം കു​ടും​ബ​ങ്ങ​ൾ നാ​ട്ടി​ലാ​ണു​ള്ള​ത്. ഒ​മ്പ​തു​ദി​വ​സം അ​വ​ധി ല​ഭി​ച്ച​ത്​ മു​ത​ലാ​ക്കി പെ​രു​ന്നാ​ൾ ആ​ഘോ​ഷി​ക്കാ​ൻ നാ​ട്ടി​ൽ പോ​യ​വ​ർ ഏ​റെ​യാ​ണ്. സം​ഘ​ടി​ത ബ​ലി​ക​ർ​മ​ത്തി​ന്​ ഒ​രു​ക്കം പൂ​ർ​ത്തി​യാ​ക്കി​യി​ട്ടു​ണ്ട്. ചി​ല മ​ല​യാ​ളി സം​ഘ​ട​ന​ക​ൾ പ​ണം സ്വ​രൂ​പി​ച്ച്​ കേ​ര​ള​ത്തി​ലും ഉ​ത്ത​രേ​ന്ത്യ​യി​ലും ബ​ലി​ക​ർ​മം ന​ട​ത്താ​ൻ അ​യ​ച്ചു​കൊ​ടു​ത്തി​രി​ക്കു​ക​യാ​ണ്. സ​ർ​ക്കാ​ർ​ത​ല​ത്തി​ൽ സു​ര​ക്ഷ ന​ട​പ​ടി​ക്ര​മ​ങ്ങ​ൾ ശ​ക്​​തി​പ്പെ​ടു​ത്തി.

ശ​നി, ഞാ​യ​ർ ദി​വ​സ​ങ്ങ​ളി​ൽ വൈ​കീ​ട്ട് പ്ര​വാ​സി കൂ​ട്ടാ​യ്മ​ക​ൾ ക​ലാ സാം​സ്കാ​രി​ക പ​രി​പാ​ടി​ക​ളും പി​ക്നി​ക്കും സം​ഘ​ടി​പ്പി​ക്കു​ന്നു​ണ്ട്.