നീ​ണ്ട രാ​ത്രി; മ​ഴ നി​റ​ഞ്ഞ പ​ക​ൽ

കു​വൈ​ത്ത് സി​റ്റി: കു​വൈ​ത്തി​ൽ വ്യാ​ഴാ​ഴ്ച രാ​ത്രി​ക്ക് നീ​ളം കൂ​ടു​ത​ലാ​യി​രു​ന്നു. 13 മ​ണി​ക്കൂ​റും 44 മി​നി​റ്റു​മാ​ണ് വ്യാ​ഴാ​ഴ്ച രാ​ത്രി നീ​ണ്ട​ത്. കു​വൈ​ത്തി​ൽ ഈ ​വ​ർ​ഷ​ത്തെ ഏ​റ്റ​വും ദൈ​ർ​ഘ്യ​മേ​റി​യ രാ​ത്രി​യാ​യി​രു​ന്നു വ്യാ​ഴാ​ഴ്ച. വെ​ള്ളി​യാ​ഴ്ച പ​ക​ൽ മ​ഴ​ദി​ന​മാ​യി​രു​ന്നു. ഇ​ട​വി​ട്ടു​ള്ള മ​ഴ​യും മൂ​ടി​ക്കെ​ട്ടി​യ അ​ന്ത​രീ​ക്ഷ​വും​മൂ​ലം വാ​നം ഇ​രു​ണ്ടു​നി​ന്നു. പ​ല പ്ര​ദേ​ശ​ങ്ങ​ളി​ലും കു​റ​ഞ്ഞ ദൃ​ശ്യ​പ​ര​ത​യും അ​സ്ഥി​ര​മാ​യ കാ​ലാ​വ​സ്ഥ​യും അ​നു​ഭ​വ​പ്പെ​ട്ടു. ഇ​ട​ക്കി​ടെ​യു​ള്ള മ​ഴ മൂ​ലം റോ​ഡി​ൽ പ​ല​യി​ട​ത്തും വെ​ള്ള​ക്കെ​ട്ടു​ണ്ടാ​യി. വാ​ഹ​ന ഗ​താ​ഗ​ത​വും പ​തു​ക്കെ​യാ​യി. ഇ​തോ​ടെ വാ​ഹ​നം ഓ​ടി​ക്കു​ന്ന​വ​ർ ശ്ര​ദ്ധ​പു​ല​ർ​ത്താ​ൻ ആ​ഭ്യ​ന്ത​ര മ​ന്ത്രാ​ല​യം നി​ർ​ദേ​ശം ന​ൽ​കി.

വാ​ഹ​ന​ങ്ങ​ൾ ദൂ​രം പാ​ലി​ച്ച് സ​ഞ്ച​രി​ക്കാ​നും കു​ട്ടി​ക​ളെ പി​ൻ​സീ​റ്റി​ൽ ഇ​രു​ത്താ​നും ബ​ദ​ൽ റൂ​ട്ടു​ക​ളും കു​ഴി​ക​ൾ നി​റ​ഞ്ഞ റോ​ഡു​ക​ളും ഒ​ഴി​വാ​ക്കാ​നും നി​ർ​ദേ​ശം വ​ന്നു. മ​ഴ​യും അ​സ്ഥി​ര​മാ​യ കാ​ലാ​വ​സ്ഥ​യും മൂ​ലം വെ​ള്ളി​യാ​ഴ്ച വി​ൻ​റ​ർ വ​ണ്ട​ർ​ലാ​ൻ​ഡി​ന് അ​വ​ധി പ്ര​ഖ്യാ​പി​ച്ചു. വെ​ള്ളി​യാ​ഴ്ച​യി​ലേ​ക്ക് ടി​ക്ക​റ്റ് എ​ടു​ത്ത​വ​ർ​ക്ക് അ​ടു​ത്ത മാ​ർ​ച്ചി​നു​ള്ളി​ൽ ഏ​തു ദി​വ​സ​വും അ​ത് ഉ​പ​യോ​ഗ​പ്പെ​ടു​ത്താ​മെ​ന്ന് വി​ൻ​റ​ർ വ​ണ്ട​ർ​ലാ​ൻ​ഡ് അ​റി​യി​ച്ചു. അ​തേ​സ​മ​യം, മ​ഴ ശ​ക്തി​പ്രാ​പി​ക്കാ​ത്ത​തി​നാ​ൽ ജ​ന​ജീ​വി​തം സാ​ധാ​ര​ണ നി​ല​യി​ലാ​യി​രു​ന്നു.