കുവൈത്ത് സിറ്റി: നവജാത ശിശുക്കളുടെ ജീവൻ രക്ഷിക്കാൻ ഉപയോഗിക്കുന്ന എർ (Er) ഗ്രൂപ്പിലെ അപൂർവ രക്തഗ്രൂപ് കണ്ടെത്തിയതായി ആരോഗ്യ മന്ത്രാലയം അറിയിച്ചു. രക്തഗ്രൂപ്പുകൾ പൊരുത്തപ്പെടാത്ത സവിശേഷ കേസുകൾ പരിഹരിക്കാനും ചികിത്സിക്കുന്നതിനും ഈ കണ്ടെത്തൽ സഹായകമാകുമെന്ന് കണ്ടെത്തലിന് നേതൃത്വം നൽകിയ ബ്ലഡ് ട്രാൻസ് ഫ്യൂഷൻ വിഭാഗം ഡയറക്ടർ ഡോ. റീം അൽ റദ്വാൻ പറഞ്ഞു.
ഗർഭിണികൾക്കും ഗർഭസ്ഥ ശിശുക്കൾക്കും പുതിയ കണ്ടെത്തൽ സഹായകമാകുമെന്ന് പ്രതീക്ഷിക്കുന്നു. 2018 മുതൽ ഇതുമായി ബന്ധപ്പെട്ട പരീക്ഷണങ്ങൾ തുടരുന്നതായും ഗർഭിണികളിൽ പരീക്ഷിച്ചതായും ഡോ. റീം അൽ റദ്വാൻ അറിയിച്ചു. കുവൈത്തിൽ രക്തദാതാക്കളുടെ ദേശീയ ആർക്കൈവിൽ അഞ്ചുലക്ഷത്തിലേറെ പേരുണ്ട്. അപൂർവ രക്തഗ്രൂപ്പിലുള്ള 370 ദാതാക്കളും ഇതിൽ ഉൾപ്പെടുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.