കുവൈത്ത് സിറ്റി: 28ാമത് കുവൈത്ത് ഗ്രാൻഡ് ഖുർആൻ മനഃപാഠമാക്കൽ, പാരായണ മത്സരം പ്രഖ്യാപിച്ചു. ഒക്ടോബർ 30 നാണ് രജിസ്ട്രേഷനുള്ള അവസാന തിയതിയെന്ന് ഔഖാഫ് ആക്ടിങ് സെക്രട്ടറി ജനറൽ അമൽ അൽ ദല്ലാൽ അറിയിച്ചു. അമീർ ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹിന്റെ രക്ഷാകർതൃത്വത്തിൽ ഗ്രാൻഡ് മോസ്കിലാണ് മത്സരം നടക്കുക. ഖുർആൻ പാഠങ്ങളും മൂല്യങ്ങളും സംരക്ഷിക്കാനും പ്രോത്സാഹിപ്പിക്കുകയാണ് മത്സരത്തിന്റെ ലക്ഷ്യം.
യോഗ്യത റൗണ്ടുകൾ നവംബർ 23 മുതൽ ആരംഭിക്കും. ഡിസംബർ 17ന് സമാപന ചടങ്ങ് നടക്കും. ജയിലിലെ തടവുകാർ ഉൾപ്പടെ എല്ലാ പൗരന്മാർക്കും പ്രവാസികള്ക്കും മല്സരത്തില് പങ്കെടുക്കാം. വിവിധ പ്രായവും വിഭാഗവും പരിഗണിച്ച് വൈവിധ്യമാർന്ന സമ്മാനങ്ങൾ നൽകും. ഇതുവരെ 46,586 പേർ മത്സരത്തില് പങ്കെടുത്തതായും 4,465 പേർ വിജയിച്ചതായും ഔഖാഫ് അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.