കുവൈത്ത് സിറ്റി: പൊലീസ് പട്രോൾ ടീം സർവിസ് റിവോൾവറും അഞ്ച് ബുള്ളറ്റും കരുതണമെന്ന് ട്രാഫിക് സെക്ടർ അസിസ്റ്റൻറ് അണ്ടർ സെക്രട്ടറി നിർദേശം നൽകി. ബാറ്റണും സ്റ്റൺ ഗണും കരുതണമെന്നും സ്വയംരക്ഷക്കായി ആദ്യം ഇവ ഉപയോഗിക്കണമെന്നും നിർദേശമുണ്ട്. വൈകുന്നേരത്തെ ഷിഫ്റ്റിൽ ഒറ്റക്ക് പോകാൻ പാടില്ല. കമാൻഡറും അസിസ്റ്റൻറ് കമാൻഡറുമുണ്ടാകണമെന്നും സർക്കുലറിൽ പറയുന്നു. പൊലീസിനെതിരായ ആക്രമണങ്ങൾ ആവർത്തിക്കുന്ന പശ്ചാത്തലത്തിലാണ് സുരക്ഷ മുൻകരുതൽ നിർദേശങ്ങൾ പുറപ്പെടുവിച്ചത്.
അക്രമികളെ നേരിടാനായി സുരക്ഷ ഉദ്യോഗസ്ഥർക്ക് സ്റ്റൺ ഗണ്ണും കുരുമുളക് സ്പ്രേയും ലഭ്യമാക്കുമെന്നും ഇവയുടെ ഉപയോഗം സംബന്ധിച്ച് പരിശീലന കോഴ്സ് നടത്തുമെന്നും ആഭ്യന്തര മന്ത്രാലയം കഴിഞ്ഞ ദിവസം അറിയിച്ചിരുന്നു. അന്താരാഷ്ട്ര നിലവാരത്തിൽ ഇത്തരം ആയുധങ്ങൾ ലഭ്യമാക്കാൻ കമ്പനികളിൽനിന്ന് ടെൻഡർ ക്ഷണിക്കും. കുവൈത്തിൽ സമീപ കാലത്ത് പൊലീസുകാർക്കെതിരായ അതിക്രമങ്ങൾ വർധിച്ചിട്ടുണ്ട്. ഡ്യൂട്ടിയിലുണ്ടായിരുന്ന പൊലീസുകാരൻ കുത്തേറ്റുമരിച്ചത് ജൂൺ 28നാണ്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.