ഇ​ന്ത്യ​യു​മാ​യു​ള്ള ബ​ന്ധം ആ​ഴ​ത്തി​ലു​ള്ള​ത് -എ​ൻ‌.​സി.‌​സി.‌​എ.‌​എ​ൽ മേ​ധാ​വി

കു​വൈ​ത്ത് സി​റ്റി: കു​വൈ​ത്ത്-​ഇ​ന്ത്യ ബ​ന്ധം ആ​ഴ​ത്തി​ലു​ള്ള ധാ​ര​ണ​യു​ടെ​യും സാം​സ്കാ​രി​ക വി​നി​മ​യ​ത്തി​ന്റെ​യും സ​വി​ശേ​ഷ​മാ​യ മാ​തൃ​ക​യാ​ണെ​ന്ന് കു​വൈ​ത്ത് നാ​ഷ​ന​ൽ സെ​ന്റ​ർ ഫോ​ർ ക​ൾ​ച്ച​ർ ആ​ർ​ട്സ് ആ​ൻ​ഡ് ലെ​റ്റേ​ഴ്സ് (എ​ൻ‌.​സി.‌​സി.‌​എ.‌​എ​ൽ) സെ​ക്ര​ട്ട​റി ജ​ന​റ​ൽ മു​ഹ​മ്മ​ദ് അ​ൽ ജ​സ്സാ​ർ. ഇ​ന്ത്യ-​കു​വൈ​ത്ത് ബ​ന്ധ​ത്തി​ന്റെ 250 വ​ർ​ഷ​ങ്ങ​ൾ ആ​ഘോ​ഷി​ക്കു​ന്ന പ്ര​ദ​ർ​ശ​ന​ത്തി​ൽ ന​ട​ത്തി​യ പ്ര​സം​ഗ​ത്തി​നി​ടെ​യാ​ണ് അ​ൽ ജ​സ്സാ​റി​ന്റെ പ​രാ​മ​ർ​ശം. ജ​ന​ങ്ങ​ൾ​ക്കി​ട​യി​ലു​ള്ള ബ​ന്ധം വ​ർ​ധി​പ്പി​ക്കു​ന്ന​തി​ൽ സം​സ്കാ​ര​ത്തി​ന്റെ​യും ക​ല​യു​ടെ​യും പ​ങ്ക് അ​ദ്ദേ​ഹം സൂ​ചി​പ്പി​ച്ചു.

1775ൽ ​കു​വൈ​ത്തി​ന്റെ ക​പ്പ​ൽ ആ​ദ്യ​മാ​യി ഇ​ന്ത്യ​യി​ലെ തു​റ​മു​ഖ​ങ്ങ​ളി​ലെ​ത്തി. അ​തി​നു​ശേ​ഷം കു​വൈ​ത്ത് പ​ടി​ഞ്ഞാ​റി​നും കി​ഴ​ക്കി​നും ഇ​ട​യി​ൽ വി​ശാ​ല​മാ​യ ഒ​രു വ്യാ​പാ​ര ഗ​താ​ഗ​ത ശൃം​ഖ​ല സ്ഥാ​പി​ച്ചു. കു​വൈ​ത്തി​നെ ഒ​രു സു​പ്ര​ധാ​ന വ്യാ​പാ​ര പാ​ത​യാ​ക്കി മാ​റ്റി​യ​താ​യും അ​ദ്ദേ​ഹം പ​റ​ഞ്ഞു.

നി​ര​വ​ധി കു​വൈ​ത്ത് കു​ടും​ബ​ങ്ങ​ൾ ഇ​ന്ത്യ​യി​ലെ തു​റ​മു​ഖ​ങ്ങ​ൾ​ക്ക് സ​മീ​പം താ​മ​സി​ച്ചി​രു​ന്നു. അ​റേ​ബ്യ​ൻ ഗ​ൾ​ഫ് തു​റ​മു​ഖ​ങ്ങ​ളി​ലേ​ക്ക് ഭ​ക്ഷ​ണം, മ​രം തു​ട​ങ്ങി​യ ഒ​ന്നി​ല​ധി​കം സു​പ്ര​ധാ​ന വ​സ്തു​ക്ക​ൾ ക​യ​റ്റു​മ​തി ചെ​യ്യു​ന്ന ജോ​ലി​ക​ൾ ഇ​വ​ർ ചെ​യ്തി​രു​ന്ന​താ​യും മു​ഹ​മ്മ​ദ് അ​ൽ ജ​സ്സാ​ർ പ​റ​ഞ്ഞു.

കു​വൈ​ത്ത്-​ഇ​ന്ത്യ ബ​ന്ധം ആ​ഴ​മേ​റി​യ​തും ശ​ക്ത​വു​മാ​ണെ​ന്ന് കു​വൈ​ത്തി​ലെ ഇ​ന്ത്യ​ൻ അം​ബാ​സ​ഡ​ർ ഡോ.​ആ​ദ​ർ​ശ് സ്വൈ​ക പ​റ​ഞ്ഞു.

പ​തി​നെ​ട്ടാം നൂ​റ്റാ​ണ്ടി​ന്റെ അ​വ​സാ​ന​ത്തി​ൽ ഈ​ത്ത​പ്പ​ഴം, മു​ത്തു​ക​ൾ എ​ന്നി​വ​യു​മാ​യി കു​വൈ​ത്ത് ക​പ്പ​ൽ ഇ​ന്ത്യ​യി​ലെ തു​റ​മു​ഖ​ങ്ങ​ളി​ൽ എ​ത്തി​യ​തോ​ടെ​യാ​ണ് വാ​ണി​ജ്യ ബ​ന്ധം ആ​രം​ഭി​ച്ച​തെ​ന്നും അ​ദ്ദേ​ഹം സൂ​ചി​പ്പി​ച്ചു.