ദേ​ശീ​യ ദി​നം; ന്യൂ​യോ​ർ​ക്കി​ലെ യു.​എ​ൻ മി​ഷ​ൻ സ്വീ​ക​ര​ണ പ​രി​പാ​ടി സം​ഘ​ടി​പ്പി​ച്ചു

കു​വൈ​ത്ത് സി​റ്റി: രാ​ജ്യ​ത്തി​ന്റെ 64ാമ​ത് ദേ​ശീ​യ ദി​ന​ത്തി​ന്റെ​യും 34ാമ​ത് വി​മോ​ച​ന ദി​ന​ത്തി​ന്റെ​യും ഭാ​ഗ​മാ​യി ന്യൂ​യോ​ർ​ക്കി​ലെ ഐ​ക്യ​രാ​ഷ്ട്ര​സ​ഭ​യി​ലെ കു​വൈ​ത്ത് സ്ഥി​രം ദൗ​ത്യം സ്വീ​ക​ര​ണ പ​രി​പാ​ടി സം​ഘ​ടി​പ്പി​ച്ചു.

യു.​എ​ൻ മു​തി​ർ​ന്ന ഉ​ദ്യോ​ഗ​സ്ഥ​ർ, അ​റ​ബ്, വി​ദേ​ശ മി​ഷ​നു​ക​ളി​ൽ നി​ന്നു​ള്ള ന​യ​ത​ന്ത്ര​ജ്ഞ​ർ, സാ​മൂ​ഹി​ക, രാ​ഷ്ട്രീ​യ വ്യ​ക്തി​ക​ൾ, ബി​സി​ന​സ് നേ​താ​ക്ക​ൾ, കു​വൈ​ത്ത് വി​ദ്യാ​ർ​ഥി​ക​ൾ എ​ന്നി​വ​ർ പ​രി​പാ​ടി​യി​ൽ പ​ങ്കെ​ടു​ത്തു. 150 ല​ധി​കം സ്ഥി​രം യു.​എ​ൻ പ്ര​തി​നി​ധി​ക​ളും ആ​ഘോ​ഷ​ത്തി​ൽ പ​ങ്കു​ചേ​ർ​ന്നു.

പ​രി​പാ​ടി​യി​ൽ ഐ​ക്യ​രാ​ഷ്ട്ര​സ​ഭ​യി​ലെ കു​വൈ​ത്ത് സ്ഥി​രം പ്ര​തി​നി​ധി അം​ബാ​സ​ഡ​ർ താ​രി​ഖ് അ​ൽ ബ​ന്നാ​യ് അ​മീ​ർ ശൈ​ഖ് മി​ശ്അ​ൽ അ​ൽ അ​ഹ​്മദ് അ​ൽ ജാ​ബി​ർ അ​സ്സ​ബാ​ഹ്, കി​രീ​ടാ​വ​കാ​ശി ശൈ​ഖ് സ​ബാ​ഹ് ഖാ​ലി​ദ് അ​ൽ ഹ​മ​ദ് അ​ൽ മു​ബാ​റ​ക് അ​സ്സ​ബാ​ഹ് എ​ന്നി​വ​ർ​ക്ക് ഊ​ഷ്മ​ള​മാ​യ അ​ഭി​ന​ന്ദ​ന​ങ്ങ​ൾ അ​റി​യി​ച്ചു.

കു​വൈ​ത്ത് മോ​ചി​പ്പി​ക്ക​പ്പെ​ടു​ക​യും സ്വാ​ത​ന്ത്ര്യം പു​ന:​സ്ഥാ​പി​ക്കു​ക​യും ചെ​യ്ത ദി​നം അ​ട​യാ​ള​പ്പെ​ടു​ത്തു​ന്ന ഫെ​ബ്രു​വ​രി 26 കു​വൈ​ത്തി​ക​ൾ​ക്ക് അ​വി​സ്മ​ര​ണീ​യ​മാ​യ തീ​യ​തി​യാ​യി തു​ട​രു​ന്നു എ​ന്ന് അ​ദ്ദേ​ഹം പ​റ​ഞ്ഞു.

വി​വി​ധ രാ​ജ്യ​ങ്ങ​ളി​ലെ കു​വൈ​ത്ത് എം​ബ​സി​ക​ളി​ലും ആ​ഘോ​ഷ​ങ്ങ​ൾ ന​ട​ന്നു.