കുവൈത്ത് സിറ്റി: കുവൈത്ത് പാർലമെൻറ് സ്പീക്കർ മർസൂഖ് അൽ ഗാനിം ജർമൻ പാർലമെൻറ് ഡെപ്യൂട്ടി സ്പീക്കർ തോമസ് ഒാപ്പർമാനുമായി ചർച്ച നടത്തി. സ്പീക്കറുടെ ഓഫിസിൽ നടന്ന ചർച്ചയിൽ ഇരു രാജ്യങ്ങൾക്കിടയിൽ പാർലമെൻററി സഹകരണം ശക്തിപ്പെടുത്താനും ഈ രംഗത്തെ പുതിയ വിവരങ്ങൾ പരസ്പരം കൈമാറാനും ധാരണായി. അന്താരാഷ്ട്ര കാര്യങ്ങൾക്കുപുറമെ ഇരു രാജ്യങ്ങൾക്കും തുല്യപ്രാധാന്യമുള്ള മറ്റു വിഷയങ്ങളും ചർച്ചയായി. മൂന്നു ദിവസത്തെ ഔദ്യോഗിക സന്ദർശനത്തിനായി കഴിഞ്ഞ ദിവസമാണ് ജർമൻ പാർലമെൻറ് ഡെപ്യൂട്ടി സ്പീക്കറും ഔദ്യോഗിക സംഘവും കുവൈത്തിലെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.