ദേ​ശീ​യ ദി​നാ​ഘോ​ഷം; നി​റ​ങ്ങ​ളി​ൽ നീ​രാ​ടി കു​വൈ​ത്ത്

കു​വൈ​ത്ത് സി​റ്റി: ദേ​ശീ​യ ദി​നാ​ഘോ​ഷ പൊ​ലി​മ​യി​ൽ നി​ൽ​ക്കു​ന്ന കു​വൈ​ത്തി​ൽ നാ​ടും ന​ഗ​ര​വും നി​റ​ങ്ങ​ളി​ൽ നീ​രാ​ടു​ന്നു. സ​ർ​ക്കാ​ർ ഓ​ഫി​സു​ക​ളും കു​വൈ​ത്തി വീ​ടു​ക​ൾ ദേ​ശീ​യ പ​താ​ക അ​ല​ങ്ക​രി​ച്ചും വ​ർ​ണ​വെ​ളി​ച്ചം വി​ത​റി​യും ഭം​ഗി​യാ​ക്കി​യി​ട്ടു​ണ്ട്. ദേ​ശീ​യ പ​താ​ക​യു​ടെ നി​റ​ങ്ങ​ളി​ൽ ലൈ​റ്റു​ക​ൾ തെ​ളി​യു​ന്ന​ത്​ ര​സ​മു​ള്ള രാ​ത്രി കാ​ഴ്​​ച​യാ​ണ്.

അ​തി​ൽ ത​ന്നെ ഏ​റ്റ​വും മ​നോ​ഹ​ര​മാ​യ കാ​ഴ്ച​വി​സ്മ​യം അ​ഹ്മ​ദി പാ​ർ​ക്കി​ലാ​ണ്. കു​വൈ​ത്ത് ട​വ​റി​ന്റെ​യും ലി​ബ​റേ​ഷ​ൻ ട​വ​റി​ന്റെ​യും രാ​ജ്യ​ത്തി​ന്റെ പ​താ​ക​യു​ടെ​യും ഭൂ​പ​ട​ത്തി​ന്റെ​യും മാ​തൃ​ക​യി​ലു​ള്ള വെ​ളി​ച്ച ഗോ​പു​ര​ങ്ങ​ൾ ക​ണ്ണ​ഞ്ചി​പ്പി​ക്കും. അ​തി​മ​നോ​ഹ​ര​മാ​യ ക​ലാ​മി​ക​വോ​ടെ​യാ​ണ് ഇ​വ ത​യാ​റാ​ക്കി​യി​ട്ടു​ള്ള​ത്. സ്വ​ദേ​ശി​ക​ളും വി​ദേ​ശി​ക​ളും ഉ​ൾ​പ്പെ​ടെ നി​ര​വ​ധി​യാ​ളു​ക​ളാ​ണ് വൈ​കു​ന്നേ​ര​ങ്ങ​ളി​ലും രാ​ത്രി​യും ഇ​ത് കാ​ണാ​നെ​ത്തു​ന്ന​ത്.

വ​ലി​യ പാ​യ്ക്ക​പ്പ​ൽ, ഒ​ട്ട​കം തു​ട​ങ്ങി രാ​ജ്യ​ത്തി​ന്റെ പൈ​തൃ​ക ചി​ത്ര​ങ്ങ​ളും അ​തി​ശ​യി​പ്പി​ക്കു​ന്ന ക​ലാ​മി​ക​വി​ൽ ഇ​വി​ടെ ഒ​രു​ക്കി​യി​ട്ടു​ണ്ട്. ഫ​ർ​വാ​നി​യ, ജ​ഹ്റ, കു​വൈ​ത്ത് സി​റ്റി, ജ​ലീ​ബ് അ​ൽ ശു​യൂ​ഖ് തു​ട​ങ്ങി​യ ദൂ​ര​​ദി​ക്കു​ക​ളി​ൽ​നി​ന്ന് പോ​ലും പാ​ർ​ക്കി​ലെ വെ​ളി​ച്ച വി​സ്മ​യം കാ​ണാ​ൻ ആ​ളു​ക​sളെ​ത്തു​ന്നു. ഒ​ന്നു പോ​യി ക​ണ്ടാ​ൽ ഒ​രി​ക്ക​ലും ന​ഷ്ടം വ​രാ​ത്ത ഗം​ഭീ​ര കാ​ഴ്ച​വി​രു​ന്നാ​ണ് ദേ​ശീ​യ ദി​നാ​ഘോ​ഷ ഭാ​ഗ​മാ​യി ഒ​രു​ക്കി​യി​ട്ടു​ള്ള​ത്.

ഫെ​ബ്രു​വ​രി തു​ട​ക്കം മു​ത​ലേ കു​വൈ​ത്തി​ക​ൾ ആ​ഹ്ലാ​ദ​ത്തി​ലും ആ​ഘോ​ഷ​ത്തി​ലു​മാ​ണ്. ദേ​ശീ​യ, വി​മോ​ച​ന ദി​ന​ങ്ങ​ൾ ആ​ഘോ​ഷി​ക്കു​ന്ന ഫെ​ബ്രു​വ​രി 25, 26 തീ​യ​തി​ക​ൾ ആ​വു​േ​മ്പാ​ഴേ​ക്ക്​ ഇ​ത്​ പാ​ര​മ്യ​ത്തി​ലെ​ത്തും.

നി​ര​ത്തു​ക​ളി​ലോ​ടു​ന്ന വാ​ഹ​ന​ങ്ങ​ളും കൊ​ടി​തോ​ര​ണ​ങ്ങ​ൾ കൊ​ണ്ട്​ അ​ല​ങ്ക​രി​ച്ചി​ട്ടു​ണ്ട്. ഇ​ക്കാ​ര്യ​ത്തി​ൽ രാ​ജ്യ​നി​വാ​സി​ക​ളാ​യ വി​ദേ​ശി​ക​ളും പി​റ​കി​ല​ല്ല. അ​ന്നം ത​രു​ന്ന നാ​ടി​നോ​ടു​ള്ള ന​ന്ദി സൂ​ച​ക​മാ​യി വി​ദേ​ശി​ക​ളും വാ​ഹ​ന​ങ്ങ​ളി​ൽ കു​വൈ​ത്ത്​ പ​താ​ക​യ​ണി​യി​ക്കു​ന്നു.

വ്യാ​പാ​ര സ്ഥാ​പ​ന​ങ്ങ​ളി​ലും ദേ​ശീ​യ ദി​നാ​ഘോ​ഷ​ത്തി​​ന്റെ പൊ​ലി​മ കാ​ണാം. വാ​ഹ​ന​റാ​ലി​ക​ളും ക​ലാ​പ​രി​പാ​ടി​ക​ളു​മെ​ല്ലാ​മാ​യി വ​രും​ദി​വ​സ​ങ്ങ​ൾ കു​വൈ​ത്തി​ന്റെ തെ​രു​വു​ക​ളും പൊ​തു​ഇ​ട​ങ്ങ​ളും ആ​ഘോ​ഷ​ത്തി​മി​ർ​പ്പി​ന്​ വേ​ദി​യാ​വും. കു​വൈ​ത്തി പാ​ർ​പ്പി​ട സ​മു​ച്ച​യ​ങ്ങ​ൾ​ക്ക​രി​കി​ലൂ​ടെ ഇ​ക്കാ​ല​ത്ത്​ യാ​ത്ര ക​ൺ​കു​ളി​ർ​മ​യേ​കു​ന്ന​താ​ണ്. വീ​ടി​​ന്റെ​യാ​ത്ര ഉ​യ​ര​മു​ള്ള കൂ​റ്റ​ൻ പ​താ​ക​ക​ൾ പ​ല​യി​ട​ത്തും തൂ​ക്കി​യ​താ​യി കാ​ണാം.