കുവൈത്ത് സിറ്റി: കലാ-സാംസ്കാരിക, പരിസ്ഥിതി-വികസന മേഖലകളിൽ സഹകരണം ഉറപ്പാക്ക ുന്നതിനു വേണ്ടിയുള്ള ധാരണപത്രങ്ങളിൽ കുവൈത്തും മോറിത്താനിയയും ഒപ്പുവെച്ചു. മോറി ത്താനിയൻ പ്രസിഡൻറ് മുഹമ്മദ് വലദ് അബ്ദുൽ അസീസ് കുവൈത്ത് അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹുമായി നടത്തിയ ചർച്ചകൾക്കു ശേഷമാണ് ഇരു വിഭാഗവും കരാറുകളിൽ ഒപ്പുവെച്ചത്.
കലാ സാംസ്കാരിക മേഖലയിലെ സഹകരണം സംബന്ധിച്ച കരാറിൽ കുവൈത്ത് സർക്കാറിനുവേണ്ടി ഉപപ്രധാനമന്ത്രിയും വിദേശകാര്യമന്ത്രിയുമായ ശൈഖ് സബാഹ് അൽ ഖാലിദും മോറിത്താനിയക്കുവേണ്ടി വിദേശകാര്യമന്ത്രി ഇസ്മായിൽ വലദ് ശൈഖുമാണ് ഒപ്പുവെച്ചത്. പരിസ്ഥിതി -വികസന കാര്യങ്ങളുമായി ബന്ധപ്പെട്ട ധാരണപത്രത്തിൽ സാമ്പത്തിക കാര്യമന്ത്രി മർയം അഖീലും മോറിത്താനിയൻ വികസനകാര്യമന്ത്രി ആമാദി കംറായും ഒപ്പുവെച്ചു. ഔദ്യോഗിക സന്ദർശനാർഥം തിങ്കളാഴ്ച ഉച്ചയോടെയാണ് മോറിത്താനിയൻ പ്രസിഡൻറ് കുവൈത്തിലെത്തിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.