കുവൈത്ത് സിറ്റി: മൂന്ന് മന്ത്രിമാർക്കെതിരെ പാർലമെന്‍റിൽ കുറ്റവിചാരണ നടക്കാനിരിക്കെ നാടകീയമായി കുവൈത്ത് മ ന്ത്രിസഭ രാജിവെച്ചു. വ്യാഴാഴ്ച ഉച്ചക്കാണ് പ്രധാനമന്ത്രി ശൈഖ് ജാബിര്‍ അല്‍ മുബാറക് അസ്സബാഹ് അമീർ ശൈഖ് സബാഹ് അഹ്മദ് അല്‍ ജാബിര്‍ അസ്സബാഹിനാണ് മന്ത്രിസഭയുടെ രാജി സമര്‍പ്പിച്ചത്.
മന്ത്രിസഭയുടെ പ്രവര്‍ത്തനങ്ങള്‍ പുനഃക്രമീകരിക്കുന്നതിനാണ് രാജി സമർപ്പിച്ചതെന്ന് സർക്കാർ വക്താവ് താരിഖ് അൽ മസ്റം വ്യക്തമാക്കി.
ഒരാഴ്ചക്കിടെ രണ്ട് മന്ത്രിമാർ രാജിവെച്ചതിന് പിറകെയാണ് നാടകീയമായി സർക്കാർ രാജിവെക്കുന്നത്. ധനമന്ത്രി ഡോ. നായിഫ് അൽ ഹജ്റുഫ്, പൊതുമരാമത്ത് മന്ത്രി ജിനാൻ ബൂഷഹരി എന്നിവരാണ് കഴിഞ്ഞ ആഴ്ച രാജിവെച്ചത്.
ആഭ്യന്തര മന്ത്രിയടക്കം മൂന്ന് മന്ത്രിമാർക്കെതിരെ പാർലമെന്‍റിൽ കുറ്റവിചാരണയും നടക്കാനിരിക്കുകയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.