കുവൈത്തിലെ ഇന്ത്യൻ അംബാസഡർ കെ. ജീവസാഗര് മേയ് 31ന് വിരമിച്ച ഒഴിവിലേക്കാണ് നിയമനം
കുവൈത്ത് സിറ്റി: മലയാളിയായ സിബി ജോർജ് െഎ.എഫ്.എസ് കുവൈത്തിലെ ഇന്ത്യൻ അംബാസഡറായി ജൂലൈ ആദ്യവാരം ചുമതലയേൽക്കും. കുവൈത്തിലെ ഇന്ത്യൻ അംബാസഡർ കെ. ജീവസാഗര് മേയ് 31ന് വിരമിച്ച ഒഴിവിലേക്കാണ് കോട്ടയം പാലാ സ്വദേശിയായ സിബി ജോർജ്നിയമിക്കപ്പെടുന്നത്.
2017 മുതല് സ്വിറ്റ്സർലൻഡ് അംബാസഡറായ അദ്ദേഹം വത്തിക്കാൻ സിറ്റിയുടെ ചുമതലയും വഹിച്ചുവരുകയായിരുന്നു. 1993 ബാച്ചിലെ ഇന്ത്യന് ഫോറിന് സര്വിസ് ഉദ്യോഗസ്ഥനാണ് സിബി ജോര്ജ്.
പൊളിറ്റിക്കല് ഓഫിസറായി ഈജിപ്തിലായിരുന്നു ഒൗദ്യോഗിക ജീവിതത്തിെൻറ തുടക്കം.
ഖത്തറില് ഫസ്റ്റ് സെക്രട്ടറി, പാകിസ്താനിലെ ഇന്ത്യന് ഹൈകമീഷനില് പൊളിറ്റിക്കല് കൗണ്സിലര്, അമേരിക്കയിൽ പൊളിറ്റിക്കല് കൗണ്സിലറും കമേഴ്സ്യല് കൗണ്സിലറും സൗദിയിലും ഇറാനിലും ഡെപ്യൂട്ടി ചീഫ് ഓഫ് മിഷന് തുടങ്ങിയ ചുമതലകൾ വഹിച്ചിരുന്നു. ഐ.എഫ്.എസില് മികച്ച പ്രവര്ത്തനത്തിന് നല്കുന്ന എസ്.കെ. സിങ് അവാര്ഡ് ഫോര് എക്സലന്സിന് 2014ല് അര്ഹനായിരുന്നു. കൈറോ അമേരിക്കൻ സർവകലാശാലയിൽനിന്ന് അറബി ഭാഷയിൽ പി.ജി ഡിപ്ലോമ നേടിയിട്ടുണ്ട്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.