കുവൈത്ത് സിറ്റി: കുവൈത്തിൽ ബുധനാഴ്ച നാലു പേർക്കുകൂടി കോവിഡ് സ്ഥിരീകരിച്ചു. രണ്ടു സ്വദേശികൾക്കും ഒാരോ ഫിലിപ്പീൻസ്, സോമാലിയൻ പൗരന്മാർക്കുമാണ് ബുധനാഴ്ച രോഗം സ്ഥിരീകരിച്ചത്.
ബ്രിട്ടനിൽനിന്നും സൗദിയിൽനിന്നും വന്നവരാണ് കുവൈത്തികൾ. ഫിലിപ്പീനിക്കും സോമാലിയക്കാരനും എങ്ങനെയാണ് രോഗം വന്നതെന്ന് ആരോഗ്യ മന്ത്രാലയം അന്വേഷിക്കുന്നു.
ഇതോടെ രാജ്യത്ത് വൈറസ് ബാധിച്ചവർ 195 ആയി. ഇതിൽ 43 പേർ രോഗമുക്തി നേടി. 152 പേരാണ് ചികിത്സയിലുള്ളത്. ബുധനാഴ്ച നാലുപേർ രോഗമുക്തി നേടിയിരുന്നു. അതിനിടെ തീവ്രപരിചരണ വിഭാഗത്തിലുള്ളവർ ഒന്ന് വർധിച്ച് ആറായി. മൂന്നുപേരാണ് ഗുരുതരാവസ്ഥയിൽ. ഇവർ പ്രായമുള്ളവരും മറ്റ് അസുഖങ്ങളുള്ളവരുമാണ്. കോവിഡ് ബാധിത പ്രദേശങ്ങളിൽനിന്ന് വന്ന 211 പേരാണ് നിലവിൽ നിരീക്ഷണ ക്യാമ്പിലുള്ളത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.