മ​നു​ഷ്യ​ക്ക​ട​ത്ത്​: കു​വൈ​ത്തി​ലെ ചെ​റു​കി​ട സ്ഥാ​പ​ന​ങ്ങ​ളി​ലേ​ക്ക്​ തൊ​ഴി​ലാ​ളി​ക​ളെ അ​യ​ക്കു​ന്ന​ത് ഈ​ജി​പ്ത് നി​ർ​ത്തി

കു​വൈ​ത്ത്​ സി​റ്റി: കു​വൈ​ത്തി​ലെ ചെ​റു​കി​ട സ്ഥാ​പ​ന​ങ്ങ​ളി​ലേ​ക്കും ക​മ്പ​നി​ക​ളി​ലേ​ക്കും തൊ​ഴി​ലാ​ ളി​ക​ളെ അ​യ​ക്കു​ന്ന​ത് ഈ​ജി​പ്ത് താ​ൽ​ക്കാ​ലി​ക​മാ​യി നി​ർ​ത്തി.
ചെ​റു​കി​ട പ്രോ​ജ​ക്റ്റു​ക​ളി​ലേ​ക ്ക്​ വി​ദ​ഗ്ധ തൊ​ഴി​ലാ​ളി​ക​ളെ ഉ​ൾ​പ്പെ​ടെ അ​യ​ക്കേ​ണ്ട​തി​ല്ലെ​ന്നാ​ണ് തീ​രു​മാ​നം. മ​നു​ഷ്യ​ക്ക​ട​ത്ത് ​ ത​ട​യു​ന്ന​തി​​െൻറ ഭാ​ഗ​മാ​യി ഈ​ജി​പ്ത് തൊ​ഴി​ൽ കാ​ര്യാ​ല​യ​മാ​ണ് ഇ​ത് സം​ബ​ന്ധി​ച്ച തീ​രു​മാ​ന​മെ​ടു​ത്ത​ത്.

കു​വൈ​ത്തി​ലെ ചെ​റു​കി​ട ക​മ്പ​നി​ക​ളി​ലേ​ക്കും വ്യ​വ​സാ​യ സം​രം​ഭ​ങ്ങ​ളി​ലേ​ക്കും റി​ക്രൂ​ട്ട്​ ചെ​യ്യ​പ്പെ​ട്ട നി​ര​വ​ധി ഈ​ജി​പ്ഷ്യ​ൻ തൊ​ഴി​ലാ​ളി​ക​ൾ ജോ​ലി​യോ ശ​മ്പ​ള​മോ ഇ​ല്ലാ​ത്ത​തി​നാ​ൽ പ​രാ​തി​യു​മാ​യി അ​ധി​കൃ​ത​രെ സ​മീ​പി​ച്ചി​രു​ന്നു. 1500 ദീ​നാ​ർ വ​രെ ന​ൽ​കി​യാ​ണ് ഇ​വ​രി​ൽ പ​ല​രും കു​വൈ​ത്തി​ലെ​ത്തി​യ​ത്. ചെ​റു​കി​ട സം​രം​ഭ​ങ്ങ​ളു​ടെ പേ​രി​ലു​ള്ള മൂ​ന്നു വ​ർ​ഷ കാ​ലാ​വ​ധി​യു​ള്ള വി​സ​യി​ലെ​ത്തി​യ ത​ങ്ങ​ൾ​ക്ക്​ തൊ​ഴി​ലു​ട​മ ജോ​ലി​യോ ശ​മ്പ​ള​മോ ന​ൽ​കു​ന്നി​ല്ലെ​ന്നാ​യി​രു​ന്നു തൊ​ഴി​ലാ​ളി​ക​ളു​ടെ പ​രാ​തി.

വി​സ വാ​ങ്ങു​ന്ന​തും വി​ൽ​ക്കു​ന്ന​തും കു​വൈ​ത്ത് നി​യ​മ​പ്ര​കാ​രം ഗു​രു​ത​ര​മാ​യ നി​യ​മ ലം​ഘ​ന​മാ​ണെ​ങ്കി​ലും വി​സ​ക്ക​ച്ച​വ​ട​ക്കാ​രും മ​നു​ഷ്യ​ക്ക​ട​ത്തു സം​ഘ​ങ്ങ​ളും ക​ട​ലാ​സു ക​മ്പ​നി​ക​ളു​ടെ പേ​രി​ൽ തൊ​ഴി​ലാ​ളി​ക​ളെ റി​ക്രൂ​ട്ട്​ ചെ​യ്യു​ന്ന​താ​യി കു​വൈ​ത്ത് ആ​ഭ്യ​ന്ത​ര മ​ന്ത്രാ​ല​യം ക​ണ്ടെ​ത്തി​യി​രു​ന്നു. ഈ ​പ​ശ്ചാ​ത്ത​ല​ത്തി​ൽ കൂ​ടി​യാ​ണ് ഈ​ജി​പ്ത് തൊ​ഴി​ൽ വ​കു​പ്പ് റി​ക്രൂ​ട്ട്​​മ​െൻറ്​ വി​ല​ക്കേ​ർ​പ്പെ​ടു​ത്തി​യ​ത്.