കുവൈത്ത് സിറ്റി: ബുധനാഴ്ച നടക്കുന്ന യു.എൻ പൊതുസഭയുടെ 73 ാമത് സമ്മേളനത്തിൽ പങ്കെടുക്കുന്നതിനായി പ്രധാനമന്ത്രി ശൈഖ് ജാബിർ അൽ മുബാറക് അൽ ഹമദ് അസ്സബാഹ് ന്യൂയോർക്കിലേക്ക് പുറപ്പെട്ടു. അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹിെൻറ പ്രതിനിധിയായി പോകുന്ന പ്രധാനമന്ത്രിയെ ഔദ്യോഗിക സംഘം അനുഗമിക്കുന്നുണ്ട്. മന്ത്രിമാർക്കുപുറമെ വിദേശകാര്യമന്ത്രാലയത്തിലെയും പ്രധാനമന്ത്രിയുടെ ദീവാനിയ എന്നിവയിലെയും ഉന്നത ഉദ്യോഗസ്ഥരുമാണ് സംഘത്തിലുള്ളത്. വിമാനത്താവളത്തിൽ വിദേശകാര്യ സഹമന്ത്രി ശൈഖ് ഖാലിദ് അൽ ജർറാഹ്, മന്ത്രിസഭകാര്യ മന്ത്രി അനസ് അൽ സാലിഹ്, അമീരി ദീവാനിയകാര്യമന്ത്രി ശൈഖ് മുഹമ്മദ് അൽ അബ്ദുല്ല എന്നിവരുടെ നേതൃത്വത്തിൽ പ്രധാനമന്ത്രിയെ യാത്രയയച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.