കുവൈത്ത് സിറ്റി: കുവൈത്ത് കേരള ഇസ്ലാഹി സെൻറർ ‘വിശ്വാസം, സംസ്കരണം, സമാധാനം’ പ്രമേയത്തിൽ സംഘടിപ്പിച്ചുവരുന്ന സമ്മർ വെക്കേഷൻ കാമ്പയിനിന്റെ ഭാഗമായി വ്യാഴം, വെള്ളി ദിവസങ്ങളിൽ വിവിധ സ്ഥലങ്ങളിൽ പ്രഭാഷണ പരിപാടികൾ സംഘടിപ്പിക്കും.
വ്യാഴാഴ്ച വൈകീട്ട് ഏഴിന് അബ്ബാസിയ്യ ഈസ്റ്റ് യൂനിറ്റിന്റെ നേതൃത്വത്തിൽ അബ്ബാസിയ്യ ബിൽക്കീസ് മസ്ജിദ് ദീവാനിയയിൽ പരിപാടി സംഘടിപ്പിക്കും. ടി.പി. അബ്ദുൽ അസീസ് ‘കരുതൽ വേണം കാലത്തിനൊപ്പം’, ‘സംസ്കരണം വ്യക്തിജീവിതത്തിലും കുടുംബത്തിലും’ വിഷയങ്ങളിൽ പ്രഭാഷണം നടത്തും. വെള്ളിയാഴ്ച ജുമുഅ നമസ്കാരശേഷം ഫർവാനിയ മലയാള ഖുത്തുബ നടക്കുന്ന മസ്ജിദ് ഹാജിരിയിൽ ‘ഇസ്ലാമും ജീവിത സുരക്ഷിതത്വവും’ വിഷയത്തിൽ അബ്ദുറഹ്മാൻ തങ്ങളും ഖൈത്താൻ ബ്ലോക്ക് ഏഴിലെ മലയാള ഖുത്തുബ നടക്കുന്ന മസ്ജിദിൽ ജുമുഅ നമസ്കാര ശേഷം ‘സമാധാനം തേടുന്ന മനസ്സ്’ വിഷയത്തിൽ സമീർ അലി എകരൂലും പ്രഭാഷണം നടത്തും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.